ସଂଚାର ବ୍ୟୁରୋ: କୂଅରେ ଫସିଛି ଭାଲୁ । ମୟୂରଭଞ୍ଜ ଜିଲ୍ଲା କପ୍ତିପଦା ବନାଞ୍ଚଳ ଅଧୀନ ଚକରାପାଳ ଗାଁ ନିକଟ ବିଲ ମଝିରେ ଥିବା କୂଅରେ ଭାଲୁଟି ପଡ଼ିଯାଇଛି । ଆଜି ସକାଳେ ବିଲକୁ ୨ଜଣ ଲୋକ ଯାଇଥିବା ବେଳେ ଭାଲୁଟିକୁ କୂଅରେ ପଡ଼ିଥିବା ଦେଖିଥିଲେ । ଏନେଇ ବନ ବିଭାଗକୁ ଖବର ଦେଇଥିଲେ । ଘଟଣାସ୍ଥଳରେ ପହଞ୍ଚି ବନ ବିଭାଗ କର୍ମଚାରୀ ଭାଲୁରୁ ଉଦ୍ଧାର ପାଇଁ ପ୍ରୟାସ ଜାରି ରଖିଛନ୍ତି । ୨୦ ଫୁଟ ଗଭୀର କୂଅରେ ଏହି ଭାଲୁଟି ପଡ଼ିଯାଇ ଜୀବନ ପାଇଁ ସଂଘର୍ଷ କରୁଥିବା ବେଳେ ଭାଲୁଟିକୁ ଉଦ୍ଧାର କରାଯାଇପାରିନାହିଁ ।
