ସଂଚାର ବ୍ୟୁରୋ: ଅବକାରୀ କାର୍ଯ୍ୟାଳୟ ଘେରିଲେ ଶତାଧିକ ବାର ଗାର୍ଲ । ଭୁବନେଶ୍ୱର ଅବକାରୀ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି ବାର ଗାର୍ଲ । ଡ୍ୟାନ୍ସ ବାର ଖୋଲିବା ପାଇଁ ଦାବିରେ ଏଭଳି ପ୍ରତିବାଦ କରିଛନ୍ତି । । ଗତକାଲି ବାର ବନ୍ଦ ନେଇ ନିର୍ଦ୍ଦେଶ ଦେଇଥିଲେ ଅବକାରୀ ସୁପରିଟେନଣ୍ଡେଣ୍ଟ। ରାଜଧାନୀର ବାରରେ ବାର ଗାର୍ଲ ନାଚିପରିବେନି ବୋଲି କହିଥିଲେ । ଯେଉଁ ବାର ମାଲିକ ନିୟମ ଉଲ୍ଲଂଘନ କରିବେ ସେମାନଙ୍କ ଲାଇସେନ୍ସ ରଦ୍ଦ କରାଯିବ ବୋଲି ସୂଚନା ଦେଇଥିଲେ । ଏପରିକି ଡିଜେ ଭାବେ ମଧ୍ୟ ବ୍ୟବହାର କରପାରିବେ ନାହିଁ ବୋଲି ଦର୍ଶାଯାଇଥିଲା । ସୋସିଆଲ ମିଡିଆ ବିଜ୍ଞାପନରେ ମଧ୍ୟ ସେମାନେ ମହିଳାଙ୍କୁ ଉତ୍ତେଜକ ମୂଳକ ପୋଷାକ ପରିଧାନ କରାଇ ଫଟୋ ପୋଜ ଦେଇପାରିବେ ନାହିଁ ବୋଲି ସ୍ପଷ୍ଟ ଭାବେ କୁହାଯାଇଥିଲା । କାରଣ ପୂର୍ବଦିନ ମାନଙ୍କରେ ବାର ଗାର୍ଲ ମାନଙ୍କୁ ମାନସିକ ଶାରୀରିକ ନିର୍ଯାତନା ଦେବା, ସେମାନଙ୍କୁ ଗ୍ରାହକଙ୍କ ସହ ରାତ୍ରି ଯାପନ କରିବାକୁ ବାଧ୍ୟ କରିବା, ଏପରିକି କିଛି ବାର ଗାର୍ଲ ଆତ୍ମହତ୍ୟା କରିଥିବା ଖବର ମଧ୍ୟ ସାମ୍ନାକୁ ଆସିଥିଲା । ଏଭଳି ବାରମ୍ବାର ଅଭିଯୋଗ ପରେ ଅବକାରୀ ବିଭାଗର ନିଦ ଭାଙ୍ଗିଥିଲା । ତୁରନ୍ତ ଯୁବତୀ ନିୟୋଜିତ ହେଉଥିବା ବାର ବନ୍ଦ ପାଇଁ ନିର୍ଦ୍ଦେଶ ଦେଇଥିଲେ । ଏହାପରେ ଶତାଧିକ ଯୁବତୀ କଳ୍ପନା ସ୍ଥିତ ଅବକାରୀ ଥାନା କାର୍ଯ୍ୟାଳୟ ଘେରାଉ କରି ବାର ଗୁଡିକୁ ତୁରନ୍ତ ଖୋଲିବାକୁ ଦାବି ରଖିଛନ୍ତି ।
