ସଂଚାର ବ୍ୟୁରୋ: ପୋଲିସ ପଞ୍ଝାରେ ଆନ୍ତଃ ରାଜ୍ୟ ଡକାୟତି ଗ୍ୟାଙ୍ଗ୍ । ଡକାୟତି ଯୋଜନା କରୁଥିବା ବେଳେ ତିନିଜଣ ଡକାୟତଙ୍କୁ ପୋଲିସ ଗିରଫ କରିବାରେ ସକ୍ଷମ ହୋଇଛି ସାରଙ୍ଗଡ଼ ପୋଲିସ । ଘଟଣାସ୍ଥଳରୁ ୨ଜଣ ଡକାୟତ ଚମ୍ପଟ ମାରିଛନ୍ତି । ବେଆଇନ ଗଞ୍ଜେଇ ଚୋରା ଚାଲାଣ ଓ ଅସାମାଜିକ କାର୍ଯ୍ୟକଳାପ ରୋକିବାକୁ କନ୍ଧମାଳ ଏସପିଙ୍କ ନିର୍ଦ୍ଦେଶରେ ପୋଲିସ ପକ୍ଷରୁ ସ୍ପେଶାଲ ଡ୍ରାଇଭ୍ ଚାଲିଛି । ନାକା ଲଗାଇ ଗତ ରାତିରେ ଗାଡ଼ି ଯାଞ୍ଚ ବେଳେ ମହାରାଷ୍ଟ୍ର ନମ୍ବର ଥିବା ଏକ ଅଲଟୋ କାରକୁ ଧରିଥିଲା ସାରଙ୍ଗଡ଼ ପୋଲିସର । ଗାଡ଼ିକୁ ଯାଞ୍ଚ କରିବାରୁ ଗୋଟିଏ ପିସ୍ତଲ୍, ଗୋଟିଏ ଏୟାର ଗନ୍, ଗୋଟିଏ ଭୁଜାଲି, ଦୁଇଟି ଛୁରୀ ସମେତ ମୋବାଇଲ୍ ଓ ଟଙ୍କା ଜବତ କରିଛି ପୋଲିସ । ଏହି ଘଟଣାରେ କରାରେ ଥିବା ୩ ଜଣଙ୍କୁ ପୋଲିସ ଗରିଫ କରିଥିବା ବେଳେ ୨ଜଣ ଫେରାର ହୋଇଯାଇଛନ୍ତି । ଗିରଫମାନେ ମହାରାଷ୍ଟ୍ରର ମହମ୍ମଦ ଅରିଫ୍ ଅନସାରୀ, ସାବନ ସାହା ଓ ସେଖ୍ ମୁସ୍ତାଫା ବୋଲି ଜଣାପଡ଼ିଛି । ମାମଲା ରୁଜୁ କରି ସାରଙ୍ଗଡ଼ ପୋଲିସ ତଦନ୍ତ ଚଳାଇଥିବା କହିଛନ୍ତି ଜି.ଉଦୟଗିରି ଏସଡିପିଓ ବିଜୟ କୁମାର ବିଶି ।
