ସଂଚାର ବ୍ୟୁରୋ: :ପୁଣି ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କୁ ଅସମ୍ମାନ । ମାହାଙ୍ଗାରେ ବିଜୁ ପ୍ରତିମୂର୍ତ୍ତି ଭାଙ୍ଗିବା ଏବଂ କଟକରେ ବିଜୁ ପ୍ରତିମୂର୍ତ୍ତିର ରଙ୍ଗ ବଦଳାଇବା ପରେ ଏବେ ବିଜୁ ବାବୁଙ୍କ ପ୍ରତିମୂର୍ତ୍ତିକୁ ଜାଳିଦେଇଛନ୍ତି ଦୁର୍ବୃତ୍ତ । ବଲାଙ୍ଗୀର ପାଟଣାଗଡ଼ରେ ବ୍ଲକ ଛକରେ ଥିବା ବିଜୁବାବୁଙ୍କ ପ୍ରତିମୂର୍ତ୍ତିକୁ ଦୁର୍ବୃତ୍ତ ଜାଳି ଦେଇଛନ୍ତି । ସକାଳୁ ବିଜୁବାବୁଙ୍କ ପ୍ରତିମୂର୍ତ୍ତିକୁ ଜାଳି ଦେଇଥିବା ଦେଖିବାକୁ ମିଳିଛି । ପୋଲିସର ଉପସ୍ଥିତିରେ ପ୍ରତିମୂର୍ତ୍ତି ଜଳୁଥିବାର ଦେଖିବାକୁ ମିଳିଥିଲା । ଅନ୍ଯ ଜଣେ କେହି ବାଲଟିରେ ପାଣି ଆଣି ନିଆଁ ଲିଭାଇବାକୁ ଚେଷ୍ଟା କରୁଥିଲେ । ଦୀର୍ଘ ସମୟ ଅତିବାହିତ ହେବା ପରେ ମଧ୍ଯ ପୋଲିସ ପ୍ରଶାସନ ପକ୍ଷରୁ ଉତ୍ତର ରଖାଯାଇନାହିଁ । କିଏ ଓ କାହିଁକି ପ୍ରତିମୂର୍ତ୍ତିରେ ନିଆଁ ଲଗାଇଲା ତାହା ସ୍ପଷ୍ଟ କରାଯାଇନାହିଁ ।… .. ଏହାକୁ ନେଇ ସାରା ରାଜ୍ଯରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ପ୍ରବାଦ ପୁରୁଷଙ୍କୁ ଅସମ୍ମାନ ଦେବା ଘଟଣା ସ୍ଥାନୀୟ ଲୋକଙ୍କୁ ବ୍ୟଥିତ କରିଛି । ସବୁ ମହଲରୁ ଏପରି ଘୃଣ୍ଯ କାମକୁ ଘୋର ନିନ୍ଦା କରାଯାଇଛି । ପାଟଣାଗଡ ସହରରେ ଅଶାନ୍ତ ପରିବେଶ ସୃଷ୍ଟି ଲାଗି ଏହା ପ୍ରୟାସ ବୋଲି ବୁଦ୍ଧିଜୀବୀ ମତ ରଖିଛନ୍ତି l ପ୍ରବାଦ ପୁରୁଷଙ୍କୁ ଅସମ୍ମାନ ଦେବା ଘଟଣା ସ୍ଥାନୀୟ ଲୋକଙ୍କୁ ବ୍ୟଥିତ କରିଛି । ଓଡ଼ିଶାର ଜଣେ ବରପୁତ୍ରଙ୍କୁ ଏପରି ବାରମ୍ବାର ଅସମ୍ମାନ କାହିଁକି ବୋଲି ପ୍ରଶ୍ନ ଉଠିଛି । ବିଜୁ ବାବୁଙ୍କ ଅବଦାନକୁ ସାରା ବିଶ୍ବ ପ୍ରଶଂସା କରୁଥିବାବେଳେ ଏପରି ଅସୂୟାଭାବ କଣ ପାଇଁ ବୋଲି ପ୍ରଶ୍ନ ଉଠିଛି । ସବୁ ରାଜନୀତିରୁ ଉର୍ଦ୍ଧ୍ବରେ ଆଧୁନିକ ଓଡ଼ିଶାର ବିନ୍ଧାଣୀ ବିଜୁ ପଟ୍ଟନାୟକ । ତାଙ୍କୁ ଏପରି ହୀନମନ୍ଯତା ପ୍ରଦର୍ଶନ କଣ ପାଇଁ ବୋଲି ଉଦବେଗ ପ୍ରକାଶ ପାଇଛି ।
