ସଂଚାର ବ୍ୟୁରୋ: ପୁରୀ ବନଖଣ୍ଡ ଅଧୀନ ଅସ୍ତରଙ୍ଗ ବନ୍ୟପ୍ରାଣୀ ଅଞ୍ଚଳ ଓ କୋଣାର୍କ ବନ୍ୟପ୍ରାଣୀ ଅଞ୍ଚଳରେ ପକ୍ଷୀ ଗଣନା ଆରମ୍ଭ ହୋଇଛି । ଚଳିତ ବର୍ଷ ଅସ୍ତରଙ୍ଗ ବନ୍ୟପ୍ରାଣୀ ଅଞ୍ଚଳକୁ ପାଞ୍ଚଟି ବିଭାଗ ଓ କୋଣାର୍କ ରେଞ୍ଜକୁ ୭ଟି ବିଭାଗ ବିଭକ୍ତ କରାଯାଇଛି । ନଟରାରୁ କେଉଟଜଙ୍ଘା, ଗଙ୍ଗାଦେବୀରୁ ଦେବୀନାସି, କଣମଣରୁ ଗଙ୍ଗାଦେବୀ, ମୁହାଁଣମୁହଁରୁ ପାଟସୁନ୍ଦରପୁର, ବେଲେଶ୍ୱରରୁ କେଳୁଣୀ ମୁହାଁଣ ପର୍ଯ୍ୟନ୍ତ ଗଣନା କାର୍ଯ୍ୟ ଜାରି ରହିଛି। ପ୍ରତିଦଳରେ ଜଣେ ପକ୍ଷୀ ବିଶାରଦଙ୍କ ସମେତ ପକ୍ଷୀ ବିଶେଷଜ୍ଞ ରହିଛନ୍ତି । ପ୍ରତି ଦଳରେ ଅସ୍ତରଙ୍ଗ ବନ୍ୟପ୍ରାଣୀ ବନାଞ୍ଚଳ ଓ କୋଣାର୍କ ବନ୍ୟପ୍ରାଣୀ ଅଞ୍ଚଳରେ କାର୍ଯ୍ୟରତ ସରକାରୀ କର୍ମଚାରୀ ରହିଛନ୍ତି । ପକ୍ଷୀ ଗଣନାକାରୀ ବାଇନାକୁଲାର, ବାର୍ଡ଼ସ ଗାଇଡି ବୁକ ଓ ବାର୍ଡ଼ ଏକ୍ସପଟଙ୍କ ସାହାଯ୍ୟରେ ପକ୍ଷୀ ଗଣନା କରାଯାଉଛି । ଉଭୟ ଜଳ ଓ ସ୍ଥଳଭାଗରେ ପକ୍ଷୀ ଗଣନା କରାଯାଉଛି ।.
