ASO ପ୍ରକାଶ କୁମାର ସାହୁ ନିଖୋଜ ଘଟଣା । ଶେଷରେ ପ୍ରକାଶଙ୍କ ମିଳିଲା ପତ୍ତା । ତିରୁପତିରେ ଅଛନ୍ତି ନିଖୋଜ ASO । ପରିବାରକୁ ନଜଣାଇ ତିରୁପତି ଯାଇଥିବା ସୂଚନା । ଏନେଇ ସୂଚନା ଦେଲେ ଭରତପୁର ଥାନା ଅଧିକାରୀ ଦୀପକ ଖଣ୍ଡାୟତରାୟ । ଗତକାଲି ASO ନିଖୋଜ ନେଇ ପରିବାର ପକ୍ଷରୁ ଏତଲା ହୋଇଥିଲା । ଲୋକସେବା ଭବନରେ କାମ ସାରି ନିଖୋଜ ହୋଇଥିବା ନେଇ ଏତଲା ହୋଇଥିଲା । କିନ୍ତୁ ଆଜି ତାଙ୍କର ପତ୍ତା ମିଳିଥିବା ସୂଚନା ଦେଇଛି କମିଶନରେଟ ପୋଲିସ । ଶୁକ୍ରବାର ଡ୍ୟୁଟି କରିବାକୁ ଲୋକସେବା ଭବନକୁ ଯାଇଥିଲେ। ସଂଧ୍ୟାରେ ଅଫିସରୁ ଫେରିବା କଥା। କିନ୍ତୁ ରାତି ସୁଦ୍ଧା ଫେରି ନଥିଲେ । ଏହା ପରେ ଗତକାଲି ସଂପର୍କୀୟ ଭାଇ ଭରତପୁର ଥାନାରେ ଏତଲା ଦେଇଥିଲେ। ପ୍ରକାଶଙ୍କ ମୋବାଇଲ ସ୍ଵିଚ୍ ଅଫ୍ ଥିବାରୁ ସନ୍ଦେହ ଅଧିକ ଘନୀଭୂତ ହୋଇଥିଲା । ପ୍ରକାଶ ପୂର୍ତ୍ତ ବିଭାଗରେ କାମ କରୁଥିଲେ । ତେବେ ନିଖୋଜର ୨୪ ଘଣ୍ଟା ପରେ ସେ ତିରୁପତି ଯାଇଥିବା ସୂଚନା ମିଳିଛି ।
