ସଂଚାର ବ୍ୟୁରୋ: ଟ୍ରାକ୍ଟର ତଳେ ଚାପି ହୋଇ ନାବାଳକ ମୃତ । ଏଭଳି ଅଘଟଣ ଦେଖିବାକୁ ମିଳିଛି ଅନୁଗୋଳ ଜିଲ୍ଲା ବାଗଡିଆ ଥାନା ବାରମଞ୍ଚା ଗାଁରେ । ଟ୍ରାକ୍ଟର ଚକ ତଳେ ଚାପି ହୋଇ ୯ ବର୍ଷର ନାବାଳକଙ୍କ ମୃତ୍ୟୁ ହୋଇଛି l ମୃତ ନାବାଳକ ଜଣଙ୍କ ହେଲେ ବାରମଞ୍ଚା ଗାଁର ବିଜୁ ମୁଖିଙ୍କ ପୁଅ ସାଇ ସରୋଜ ମୁଖି l ସାଇ ସରୋଜ ଘର ପାଖ ବାଲିଗଦା ଉପରେ ଖେଳୁଥିଲେ । ଏହି ସମୟରେ ଏକ ବାଲି ବୋଝେଇ ଟ୍ରାକ୍ଟର ଖାଲି କରିବା ପାଇଁ ନେଉଥିବା ବେଳେ ଚକ ତାଳେ ପଡିଯାଇଥିଲେ ସାଇ ସରୋଜ । ସ୍ଥାନୀୟ ଲୋକମାନେ ତାଙ୍କୁ ଉଦ୍ଧାର କରି ଛେଣ୍ଡିପଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l ଖବର ପାଇ ବାଗଡିଆ ଥାନା ପୋଲିସ ଡାକ୍ତରଖାନରେ ପହଁଚି ମୃତଦେହକୁ ଜବତ କରି ଛାନବିନ ଚଳାଇଛି
