ସଂଚାର ବ୍ୟୁରୋ: ଘୋଷଣା ହେଲା ମହାରାଷ୍ଟ୍ର ଓ ଝାଡ଼ଖଣ୍ଡ ବିଧାନସଭା ନିର୍ବାଚନ ତାରିଖ। ଏହା ସହ ବିଭିନ୍ନ ଲୋକସଭା ଓ ବିଧାନସଭା ଉପନିର୍ବାଚନ ଲାଗି ତାରିଖ ଘୋଷଣା କରିଛନ୍ତି ନିର୍ବାଚନ କମିଶନ।
ମହାରାଷ୍ଟ୍ରରେ ନଭେମ୍ବର ୨୦ରେ ଗୋଟିଏ ପର୍ଯ୍ୟାୟରେ ହେବ ଭୋଟ। ରାଜ୍ଯରେ ୨୮୮ ଆସନ ଲାଗି ଘୋଷଣା ହୋଇଛି ତାରିଖ। ନଭେମ୍ବର ୨୩ରେ ହେବ ଗଣତି। ରାଜ୍ଯର ମୋଟ ଭୋଟର ସଂଖ୍ଯା ୯ କୋଟି ୬୩ ଲକ୍ଷ ରହିଛନ୍ତି। ୨୬ ନଭେମ୍ବରରେ ସରୁଛି ମହାରାଷ୍ଟ୍ର ବିଧାନସଭା କାର୍ଯ୍ୟକାଳ। ଆସନ୍ତା ଅକ୍ଟୋବର ୨୨ରୁ ଆରମ୍ଭ ହେବ ପ୍ରାର୍ଥିପତ୍ର ଦାଖଲ। ଅକ୍ଟୋବର ୨୯ ରହିଛି ନାମାଙ୍କନ ଦାଖଲର ଶେଷ ତାରିଖ।
ଝାଡଖଣ୍ଡରେ ଦୁଇଟି ପର୍ଯ୍ୟାୟରେ ହେବ ଭୋଟ। ୧୩ ଓ ୨୦ ନଭେମ୍ବରରେ ଦୁଇ ପର୍ଯ୍ୟାୟରେ ହେବ ଭୋଟ। ନଭେମ୍ବର ୨୩ରେ ହେବ ଗଣତି। ଝାଡ଼ଖଣ୍ଡରେ ମୋଟ ଭୋଟର ସଂଖ୍ଯା ୨ କୋଟି ୬୦ ଲକ୍ଷ। ଝାଡ଼ଖଣ୍ଡରେ ପୁରୁଷ ଭୋଟର ସଂଖ୍ଯା ୧ କୋଟି ୩୧ ଲକ୍ଷ ଥିବାବେଳେ ମହିଳା ଭୋଟର ସଂଖ୍ଯା ୧ କୋଟି ୨୯ ଲକ୍ଷ। ୫ ଜାନୁଆରୀରେ ସରୁଛି ଝାଡ଼ଖଣ୍ଡ ବିଧାନସଭା କାର୍ଯ୍ୟକାଳ।
ସେହିପରି ବିଭିନ୍ନ ରାଜ୍ଯର ବିଧାନସଭା ଓ ଲୋକସଭା ନିର୍ବାଚନ ଲାଗି ବି ଘୋଷଣା ହୋଇଛି ତାରିଖ। ୧୩ ନଭେମ୍ବରରେ ୱାୟନାଡ ଲୋକସଭା ଆସନ ଓ ୪୭ ବିଧାନସଭା ଆସନରେ ହେବ ଉପନିର୍ବାଚନ। ଉତ୍ତରପ୍ରଦେଶର ୧୦ ବିଧାନସଭା ଆସନରେ ୧୩ ନଭେମ୍ବରରେ ହେବ ଭୋଟ। କେଦାରନାଥ ବିଧାନସଭା ଆସନ ଓ ନାନ୍ଦେଦ ଲୋକସଭା ଆସନରେ ଉପନିର୍ବାଚନ ହେବ ନଭେମ୍ବର ୨୦ରେ।
