ସଂଚାର ବ୍ୟୁରୋ: ମିଳିତ ମଞ୍ଚ ନୁହେଁ, ଏକାକୀ ନିଜର ଶକ୍ତି ପ୍ରଦର୍ଶନ କରିବ ଆପ୍ । ଦିଲ୍ଲୀ ବିଧାନସଭାରେ ଇଣ୍ଡିଆ ମେଣ୍ଟ ନୁହେଁ ବରଂ ଏକାକୀ ଆପ ନିର୍ବାଚନ ଲଢ଼ିବ । କଂଗ୍ରେସ ସହ ମିଶି ଆପ ଲୋକସଭା ନିର୍ବାଚନ ସମୟରେ କ୍ଷତି ସହିଛି । ଏଣୁ କେବଳ ଇଣ୍ଡିଆ ମେଣ୍ଟରେ ରହିବ କିନ୍ତୁ ବିଧାନସଭା ନିର୍ବାଚନରେ ଆପ ଏକାକୀ ନିର୍ବାଚନ ମଇଦାନକୁ ଓହ୍ଲାଇବ ବୋଲି ରାଜନୈତିକ ମହଲରେ ଚର୍ଚ୍ଚା ଆରମ୍ଭ ହୋଇଛି । ୭ ମାସ ପରେ ଦିଲ୍ଲୀ ବିଧାନସଭା ନିର୍ବାଚନ ହେବାକୁ ଥିବାବେଳେ ନୂଆ ସମୀକରଣ ଦେଖିବାକୁ ମିଳିବ । ବିଜେପି ରଣନୀତି ପ୍ରସ୍ତୁତ କରୁଥିବାବେଳେ ଆପକୁ ଚେକ୍ ଦେଇ ସରକାରକୁ ଆସିବାକୁ ପ୍ରୟାସ କରିବ ନିଶ୍ଚୟ ।
କହି ରଖୁଛୁ କି, ଯଦି ୧୦ ବର୍ଷର ଦିଲ୍ଲୀ ନିର୍ବାଚନ ଉପରେ ନଜର ପକାଇବା ତାହେଲେ ଲୋକସଭାରେ ବିଜେପି ଅଗ୍ରଗତି କରୁଥିବାବେଳେ ବିଧାନସଭା ନିର୍ବାଚନରେ ଆପ୍ ଏକପାଖିଆ ଭାବେ ଜିତୁଛି । ସେପଟେ ବିଧାନସଭା ଏବଂ ଲୋକସଭାରେ କଂଗ୍ରେସର ସ୍ଥିତି ଭଲନାହିଁ । ଏଣୁ ଆପ ଏକାକୀ ଲଢ଼ିବା ପାଇଁ ନିଷ୍ପତ୍ତି ନେଇଛି । ଦିଲ୍ଲୀର ୭୦ ଆସନରୁ ୧୨ ସଂରକ୍ଷିତ ଆସନ । ତେବେ ୨୦୨୦ ବିଧାନସଭା ନିର୍ବଚନରେ ଆପ ୬୦ ଆସନରେ ବିଜୟୀ ହୋଇଥିଲା ।
