ବର୍ଷା ପାଇଁ ହାମିଲଟନରେ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ତୃତୀୟ ଦିନିକିଆ ବାତିଲ ହୋଇଛି । ମ୍ୟାଚ୍ ଅଫିସିଆଲ ଭାବେ ୫ ଘଣ୍ଟା ଯାଏଁ ବର୍ଷା ବନ୍ଦ ହେବାକୁ ଅପେକ୍ଷା କରାଯାଇଥିବା ବେଳେ ଶେଷରେ ବାତିଲ ହୋଇଛି । ଗୋଟିଏ ହେଲେ ବଲ୍ ନପଡି ମ୍ୟାଚକୁ ରବ୍ଦ କରାଯାଇଛି । ଲଗାତାର ବର୍ଷା କାରଣରୁ ଖେଳ ପ୍ରଭାବିତ ହୋଇଛି ।
ମ୍ୟାଚ୍ ରବ୍ଦ ହେଲା ପରେ ଭାରତ ସିରିଜରେ ୨-୦ରେ ଆଗୁଆ ରହିଛି । ଯଦି ଆଉ ଗୋଟିଏ ମ୍ୟାଚ୍ ଜିତେ ତାହାଲେ ସିରିଜ୍ କବଜା କରିବ ଏବଂ ନ୍ୟୁଜିଲାଣ୍ଡ ଦୁଇଟି ମ୍ୟାଚ୍ ଜିତିଲେ ୫ ମ୍ୟାଚ୍ ବିଶିଷ୍ଟ ସିରିଜ୍ ଡ୍ର ରହିବ । ଶୁଭମନ ଗିଲ୍ ଙ୍କ ନେତୃତ୍ୱରେ ଯୁବ ଏବଂ ଅଭିଜ୍ଞ ଖେଳାଳିଙ୍କୁ ନେଇ ଗଠିତ ଭାରତୀୟ ଦଳ ବିଦେଶ ମାଟିରେ ଉଲ୍ଲେଖନୀୟ ପ୍ରଦର୍ଶନ କରୁଛି । ଏହି ମ୍ୟାଚ୍ ଜିତିଲେ ନ୍ୟୁଜିଲାଣ୍ଡ ମାଟିରେ ଭାରତର ପତିଆରା ଆହୁରି ମଜବୁତ ହୋଇଥାନ୍ତା । ନ୍ୟୁଜିଲାଣ୍ଡର ଦଳର ଅନେକ ଷ୍ଟାର୍ ଖେଳାଳି ଆହତଜନିତ କାରଣରୁ ବାହାରେ ଅଛନ୍ତି ।
ମ୍ୟାଚ୍ ଆରମ୍ଭରୁ ବର୍ଷା ହେଉଥିଲା । ଫଳରେ ଟସରେ ବିଳମ୍ବ ହୋଇଥିଲା । ଭାରତୀୟ ସମୟାନୁସାରେ ୯ଟାରେ ଟସ୍ ପରେ ମଧ୍ୟ ବର୍ଷା ହୋଇଥିଲା ଯାହା ପରେ ଆଉ ଛାଡିନଥିଲା । ଭାରତ ବୋଲିଂ ନିଷ୍ପତ୍ତି ନେଇଥିଲେ ମଧ୍ୟ ମ୍ୟାଚ୍ ଆରମ୍ଭ ହୋଇପାରିନଥିଲା । ତେବେ ଶେଷରେ ପରିସ୍ଥିତିକୁ ଭାରତୀୟ ସମୟାନୁସାରେ ସକାଳ ୧୧ଟା ସମୟରେ ଅମ୍ପାୟାର ମ୍ୟାଚ୍ ବାତିଲ କରିବାକୁ ନିଷ୍ପତ୍ତି ନେଇଛନ୍ତି । ଦିନିକିଆ ଶୃଙ୍ଖଳା ପରେ ଭାରତ-ନ୍ୟୁଜିଲାଣ୍ଡ ମଧ୍ୟରେ ଟେଷ୍ଟ ସିରିଜ୍ ଖେଳାଯିବ ।
