ସଂଚାର ବ୍ୟୁରୋ: ମାଲକାନଗିରି ଜିଲ୍ଲାରେ କମିଛି ବର୍ଷା ହେଲେ ବନ୍ୟା ସ୍ଥିତିରେ ଆସିନି ସୁଧାର। ପୋଟେରୂ ଅଞ୍ଚଳରେ ବନ୍ୟା ପାଣି କମିବାରେ ଲାଗିଛି। ହେଲେ ଏବେ ବି କାଙ୍କୁରୁକୋଣ୍ଡା ଓ କନ୍ୟାଆଶ୍ରମ ପୋଲ ଉପରେ ଆଠ ଫୁଟ ଉଚ୍ଚତାରେ ପାଣି ପ୍ରବାହିତ ହେଉଛି। ମାଲକାନଗିରି ଠାରୁ କାଲିମେଳା ଓ ପଡିଆ ମଧ୍ୟରେ ଯୋଗାଯୋଗ ବିଚ୍ଛିନ୍ନ ହୋଇଛି । ରାସ୍ତାରେ ଅନେକ ଯାନବାହାନ ଅଟକି ରହିଛି । ବନ୍ୟା ଯୋଗୁଁ ପୋଟେରୁ ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଛି।ରାସ୍ତାଘାଟ ଭାଙ୍ଗି ଯାଇଥିବା ବେଳେ ଲୋକଙ୍କ ଘରେ ପାଣି ପଶି ଜିନିଷ ପତ୍ର ନଷ୍ଟ ହୋଇଛି । ତମସା ଓ ପାଙ୍ଗାମ ନଦୀ ପୋଲ ଉପରେ ପାଣି କମିବା ପରେ ମାଲକାନଗିରି ଜୟପୁର ମଧ୍ୟରେ ଯୋଗାଯୋଗ ସ୍ବାଭାବିକ ହୋଇଛି ।
