ନୀଳଗିରି ପୋଲିସକୁ ବଡ଼ ସଫଳତା। ଗତ ସୋମବାର ରାତିରେ ଈଶ୍ୱରପୁର ଫାଣ୍ଡି ଅଧୀନ ଜୁରିଆପାଟଣା ଗାଁରୁ ଅଭିଯୁକ୍ତ କାର୍ତ୍ତିକ ସାମଲକୁ ଗିରଫ କରିଛି ପୋଲିସ । ଏହାସହ ୨ ଲକ୍ଷ ୩୫ ହଜାର ଟଙ୍କା ମାରଣାସ୍ତ୍ର, ବନ୍ଧୁକ, ଗୁଳି ଓ 5ଟି ହନୁମାନ ପଇସା ଜବତ କରିଛି ପୋଲିସ । ନୀଳଗିରି ଏସଡିପିଓଙ୍କ ତତ୍ତ୍ବାବଧାନରେ ନୀଳଗିରି ଆଇଆଇସି ବିଶେଷ ସୂତ୍ରରୁ ଖବର ପାଇ କାର୍ତ୍ତିକ ସାମଲଙ୍କ ଘରେ ଚଢାଉ କରିଥିଲା । ଲକ୍ଷାଧିକ ଟଙ୍କା ଓ ମାରଣାସ୍ତ୍ର ଜବତ କରିବା ସହ ଏକ ମାମଲା ରୁଜୁ କରି ରଜନୀ ସାମଲଙ୍କୁ ଗିରଫ କରିଛି ପୋଲିସ । ଯାହାକୁ ନେଇ ଆଜି ପୂର୍ବାଞ୍ଚଳ ଡିଆଇଜି ଓ ବାଲେଶ୍ଵର ଏସପି ନୀଳଗିରି ଥାନାରେ ଏକ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି । ଏହି କେସରେ ଆଉ ଯେଉଁମାନଙ୍କର ସଂପୃକ୍ତି ରହିଛି ସେନେଇ ଅଧିକ ତଦନ୍ତ ଜାରି ରଖିଛି ବୋଲି କହିଛନ୍ତି ଡିଆଇଜି ।
