କୃଷି ଓ ଆନୁସଙ୍ଗିକ କ୍ଷେତ୍ର ପାଇଁ ୨୦୨୫-୨୬ ଆର୍ଥିକ ବର୍ଷ ପାଇଁ ୩୭ ହଜାର ୮୩୮ କୋଟି ଟଙ୍କାର ବ୍ୟୟ ବରାଦ କରାଯାଇଛି । ୨୦୨୪-୨୫ ଆର୍ଥକ ବର୍ଷ ତୁଳନାରେ ୧୨ ପ୍ରତିଶତ ଅଧିକ ବ୍ୟୟ ବରାଦ ହୋଇଥିବା ଅର୍ଥମନ୍ତ୍ରୀ ଦାୟିତ୍ବରେ ଥିବା ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କହିଛନ୍ତି । ସେ ମଧ୍ୟରୁ କେବଳ କୃଷି ଓ କୃଷକ ସଶକ୍ତିକରଣ ବିଭାଗ ପାଇଁ ୧୪ ହଜାର ୭୦୧ କୋଟି ଟଙ୍କାର ବ୍ୟୟ ଅଟକଳ କରାଯାଇଛି । ସମୃଦ୍ଧ କୃଷକ ଯୋଜନାରେ ଚାଷୀଙ୍କୁ ଏମଏସପି ସହ ଇନପୁଟ ସବସିଡି ମିଶାଇ କ୍ବିଣ୍ଟାଲ ପିଛା ୩୧ଶହ ଟଙ୍କା ଦିଆଯାଉଛି । ଏହି ଯୋଜନାରେ ୧୩ ଲକ୍ଷ ଚାଷୀ ଉପକୃତ ହୋଇଛନ୍ତି । ଏହି ଯୋଜନା ପାଇଁ ବଜେଟ ଆକାର ୫ ହଜାର କୋଟିରୁ ୬ହଜାର କୋଟିକୁ ବୃଦ୍ଧି କରାଯାଇଛି । ସିଏମ କିଷାନ ଯୋଜନା ପାଇଁ ୨ହଜାର ୨୦ କୋଟି ଟଙ୍କାର ବ୍ୟୟ ବରାଦ କରାଯାଇଛି ।
ବୃହତ ଉଠା ଜଳସେଚା ଯୋଜନା ପାଇଁ ୬୯୫ କୋଟିର ବ୍ୟୟ ବରାଦ କରାଯାଇଛି । ଏହି କାର୍ଯ୍ୟକ୍ରମରେ କୃଷି ଉତ୍ପାଦନ କ୍ଲଷଟର ମଡେଲ ପ୍ରତିଷ୍ଠା କରି କ୍ଷୁଦ୍ର ଓ ନାମମାତ୍ର ମହିଳା ଚାଷୀଙ୍କ ଆୟ ଦ୍ବିଗୁଣିତ କରିବାକୁ ଲକ୍ଷ୍ୟ ରଖାଯାଇଛି । ଚଳିତ ବର୍ଷ ରବି ଋତୁରେ ୧ଲକ୍ଷ ୮୦ ହଜାର ଚାଷୀଙ୍କୁ ଆଳୁ ବିହନ ଦିଆଯାଇଛି । ଶ୍ରୀ ଅନ୍ନ ଅଭିଯାକୁ ସବୁ ଜିଲ୍ଲାର ୧୭୭ ବ୍କକକୁ ସଂପ୍ରସାରିତ କରାଯାଇଛି । ରାଜ୍ୟ ସରକାର ଚଳିତ ବର୍ଷ ରାଗି କ୍ରୟ ଉପରେ ଏମଏସି ଉପରେ ଅଧିକ ୨୧୦ ଟଙ୍କା ଯୋଡି ୪୫୦୦ ଟଙ୍କା ପ୍ରଦାନ ଦେବେ । ଏବାବଦରେ ବଜେଟରେ ୬୦୦ କୋଟିର ବ୍ୟୟ ବରାଦ କରାଯାଇଛି । ଶୀତଳ ଭଣ୍ଡାର ନୀତିରେ ୨୦୨୫-୨୬ରୁ ୨୦୨୯-୩୦ ପର୍ଯ୍ୟନ୍ତ ଆର୍ଥିକ ସହାୟତା ବାବଦରେ ୨୫୨ କୋଟି ଟଙ୍କାର ବ୍ୟୟ ବରାଦ କରାଯାଇଛି । ଏହି ଯୋଜନାରେ ସମସ୍ତ ୫୮ଟି ସବଡିଭିଜନରେ ନୂଆ ଶୀତଳ ଭଣ୍ଡାର ଖୋଲାଯିବ । ଓୟୁଏଟି ପାଇଁ ୫୧୧ କୋଟିର ବ୍ୟୟବରାଦ କରାଯାଇଥିବା ବେଳେ କୃଷକ ଉତ୍ପାଦକ ସଂଗଠନ ଜରିଆରେ କ୍ଷୁଦ୍ର ଓ ନାମମାତ୍ର ଚାଷୀଙ୍କ ଆୟ ଓ ଜୀବିକାରେ ଉନ୍ନତି ପାଇଁ ୭୪ କୋଟିର ବ୍ୟୟବରାଦ କରାଯାଇଛି । ୨୦୨୯-୩୦ ସୁଦ୍ଧା ୧୫ ଲକ୍ଷ ହେକ୍ଟର ଅଣଜଳସେଚିତ ଜମିକୁ ଜଳସେଚନ ସୁବିଧା ଯୋଗାଇଦିଆଯିବ । ଏଥିପାଇଁ ୧୪ ହଜାର ୮୯୫ କୋଟିର ବ୍ୟୟବରାଦ କରାଯାଇଛି । ବନ୍ୟା ପରିଚାଳନା ପାଇଁ ନଦୀ ମୁହାଣ ଖନନ ଯୋଜନା ପାଇଁ ୩୮୬ କୋଟିର ବ୍ୟୟ ବରାଦ କରାଯାଇଛି । ନଦୀ ପୁନଃରୁଦ୍ଧାର ଯୋଜନାରେ ଆସନ୍ତା ଆର୍ଥିକ ବର୍ଷରେ ପ୍ରାଚୀଧାରା ଓ ଗୋବରୀ ଭଳି ଅତି କମରେ ଦୁଇରୁ ତିନୋଟି ନଦୀକୁ ସାମିଲ କରାଯିବ । ହୀରାକୁଦ ଡ୍ୟାମ ପ୍ରକଳ୍ପର କେନାଲ ବ୍ୟବସ୍ଥାର ନବୀକରଣ ପାଇଁ ୨୦୨୫-୨୬ ଆର୍ଥିକ ବର୍ଷ ପାଇଁ ଶହେ କୋଟି ଟଙ୍କାର ବ୍ୟୟ ବରାଦ କରାଯାଇଛି । ହୀରାକୁଦ ଡ୍ୟାମର ଅତିରିକ୍ତ ସ୍ପିଲୱେ ନିର୍ମାଣ, ଥଇଥାନ ଓ ବିପର୍ଯ୍ୟସ୍ତ ସ୍ଥିତିର ସର୍ଭେ ପାଇଁ ୫୦ କୋଟି ଏବଂ ଅନ୍ୟାନ ବପର୍ଯ୍ୟସ୍ତ ପୂରୁଣା ଡ୍ୟାମର ଉନ୍ନତି ପାଇଁ ୫୭ କୋଟି ଟଙ୍କାର ବ୍ୟୟ ବରାଦ କରାଯାଇଛି । ଅଚଳ ଉଠା ଜଳସେଚନ ପ୍ରକଳ୍ପର ପୁନଃରୁଦ୍ଧାର ପାଇଁ ୧୯୦ କୋଟି ଟଙ୍କାର ବ୍ୟୟ ବରାଦ କରାଯାଇଛଇ ।
ପାର୍ବତୀ ଗିରି ବୃହତ ଉଠା ଜଳସେଚନ ପ୍ରକଳ୍ପ ପାଇଁ ୧ହଜୀର ୩୧୮ କୋଟି ଟଙ୍କାର ବ୍ୟୟ ବରାଦ କରାଯାଇଛି । ଇନଷ୍ଟ୍ରିମ ଷ୍ଟୋରେଜ ପାଇଁ ୮୮୦ କୋଟିର ବ୍ୟୟବରାଦ କରାଯାଇଥିବା ବେଳେ ମୁଖ୍ୟମନ୍ତ୍ରୀ ଆଡିବନ୍ଧ ଯୋଜନା ପାଇଁ ୩୫୦ କୋଟିର ବ୍ୟୟ ବରାଦ କରାଯାଇଛି । ମୁଖ୍ୟମନ୍ତ୍ରୀ କେନାଲ ଲାଇନିଂ ଯୋଡନା ପାଇଁ ୪୩୦ କୋଟି, ନବକୃଷ୍ଣ ଚୌଧୁରୀ ସେଚ ଉନ୍ନୟନ ଯୋଜନା ବାବଦରେ ୨୪୦ କୋଟି ଏବଂ ସେଚାଞ୍ଚଳ ଉନ୍ନୟନ ଓ ଜଳ ପରିଚାଳନା ଯୋଜନାରେ ୨୫୮ କୋଟିର ବ୍ୟୟବରାଦ କରାଯାଇଛି । ମୁଖ୍ୟମନ୍ତ୍ରୀ ବିପର୍ଯ୍ୟୟ ପ୍ରତିରୋଧ ଳୁଣିବନ୍ଧ ପ୍ରକଳ୍ପ ପାଇଁ ୨ଶହ କୋଟି ଏବଂ କେନ୍ଦ୍ରୀୟ ପ୍ରବର୍ତ୍ତିତ ହର କ୍ଷେତକୋ ପାନୀ ଯୋଜନା ପାଇଁ ୨ଶହ କୋଟିର ବ୍ୟୟବରାଦ କରାଯାଇଛି । ଡ୍ରେନେଜ ଉନ୍ନତି କାର୍ଯ୍ୟକ୍ରମ ବାବଦରେ ୩୬୦ କୋଟି ଏବଂ ରିୟଲ ଟାଇମ ବନ୍ୟା ପୂର୍ବାନୁମାନ ପାଇଁ ଗୋ ୱାଟର ଆଇଟି ମୋଡ୍ୟୁଲ ପାଇଁ ୧୫ କୋଟିର ବ୍ୟୟ ବରାଦ କରାଯାଇଛି ।
ସେହିଭଳି ମତ୍ସ ଓ ପଶୁ ସମ୍ପଦ ବିକାଶ ପାଇଁ ରାଜ୍ୟ ସରକାର ୨୦୨୫-୨୬ ଆର୍ଥିକ ବର୍ଷ ପାଇଁ ୧ହଜାର ୯୦୯ କୋଟିର ବଜେଟ ପ୍ରସ୍ତୁତ କରିଛନ୍ତି । ମୁଖ୍ୟମନ୍ତ୍ରୀ ମତ୍ସ୍ୟଜୀବୀ କଲ୍ୟାଣ ଯୋଜନା ପାଇଁ ୨୩୫ କୋଟିର ବ୍ୟୟବରାଦ କରାଯାଇଛି । ମତ୍ସଚାଷୀଙ୍କ ପାଇଁ ଉତ୍ତମ ମୂଲ୍ୟ ଓ ଭ୍ରାମ୍ୟମାଣ ରୋଗ ଓ ଡାଇଗ୍ନୋଷ୍ଟିକ ପରୀକ୍ଷାଗାର ପାଇଁ ୧୪୬ କୋଟିର ବ୍ୟୟବରାଦ କରାଯାଇଛି । ପ୍ରଧାନମନ୍ତ୍ରୀ ମତ୍ସ୍ୟ ସମ୍ପଦ ଯୋଜନା ପାଇଁ ୨୪୫ କୋଟି ଏବଂ ମୁଖ୍ୟମନ୍ତ୍ରୀ କାମଧେନୁ ଯୋଜନା ପାଇଁ ୧୪୬ କୋଟିର ବ୍ୟୟ ବରାଦ କରାଯାଇଛି । ସମବାୟ ବିଭାଗ ପାଇଁ ମୋଟ ୨୭୭ କୋଟି ଟଙ୍କାର ବ୍ୟୟ ବରାଦ କରାଯାଇଛି । ଚାଷୀଙ୍କୁ ଫସଲ ଋଣ ପ୍ରଦାନ ପାଇଁ ସୁଧ ଛାଡ ବାବଦରେ ୯୧୦ କୋଟିଟଙ୍କାର ବ୍ୟୟବରାଦ କରାଯାଇଛି । ଏଥିସହିତ ପ୍ରଧାନମନ୍ତ୍ରୀ ଫସଲ ବୀମା ଯୋଜନା ପାଇଁ ୬୫୦ କୋଟିର ବ୍ୟୟବରାଦ କରାଯାଇଛି ।
