ସଂଚାର ବ୍ୟୁରୋ: ବନ୍ଦେ ଭାରତ ଟ୍ରେନ ଉପରକୁ ପଥର ଫିଙ୍ଗି ୫ ଗିରଫ । ବାଗବାହାରା ରେଳ ଷ୍ଟେସନରେ ବନ୍ଦେ ଭାରତ ଟ୍ରେନ ଉପରକୁ ପଥର ଫିଙ୍ଗି ଥିଲେ କିଛି ଯୁବକ । ପଥର ମାଡ଼ରେ ଟ୍ରେନର ୩ଟି କୋଚର ଗ୍ଲାସରେ ଫାଟି ଯାଇଥିଲା । C 2 -10, C 4 -1 ଏବଂ C9- 78 ର କାଚ ଫାଟିଥିବା ଅଭିଯୋଗ ହୋଇଥିଲା । ଘଟଣାରେ ଜିତୁ ତାଣ୍ଡି, ଶିବକୁମାର ବାଘେଲ୍, ଦେବେନ୍ଦ୍ର ଚକ୍ରଧର, ଅର୍ଜୁନ ଯାଦବଙ୍କ ସହ ମୋଟ ୫ ଜଣଙ୍କୁ ଗିରଫ କରିଛି ରେଳବାଇ ପୋଲିସ । ଏମାନେ ସମସ୍ତେ ଛତିଶଗଡ ବାଗବ୍ରା ଗ୍ରାମର ବାସିନ୍ଦା । ଗତକାଲି ଏକ ପରୀକ୍ଷାମୂଳକ ଭାବରେ ବନ୍ଦେ ଭାରତ ଟ୍ରେନ ଛତିଶଗଡରୁ ବିଶାଖାପାଟଣମ ଯାଇଥିଲା । ବିଶାଖାପାଟଣମରୁ ଫେରିବା ସମୟରେ ଛତିଶଗଡ ମହାସମୁନ୍ଧ ଜିଲ୍ଲାର ବାଗବାହାରା ରେଳ ଷ୍ଟେସନ ନିକଟରେ ପଥର ଫିଙ୍ଗିଥିଲେ କିଛି ଯୁବକ । ଯେଉଁଥିପାଇଁ ଟ୍ରେନର କିଛି କୋଚରେ ୱିଣ୍ଡୋ ଗ୍ଲାସ ଥିଲା ଫାଟି ଯାଇଥିଲା। ସୂଚନା ପାଇବା ପରେ, ଆରପିଏଫ ପୋଲିସ ଘଟଣାସ୍ଥଳରେ ପହଞ୍ଚି ସମସ୍ତ ଅଭିଯୁକ୍ତଙ୍କୁ ଗିରଫ କରି କାର୍ଯ୍ୟାନୁଷ୍ଠାନ ଆରମ୍ଭ କରିଥିଲା।
କୁହାଯାଉଛି ଯେ ଆସନ୍ତାକାଲି ଅର୍ଥାତ୍ 15 ସେପ୍ଟେମ୍ବର ରବିବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟ୍ରେନର ଉଦଘାଟନ କରିବେ।କିନ୍ତୁ ଉଦ୍ଘାଟନ ପୂର୍ବରୁ ଏଭଳି ଘଟଣା ଘଟିଛି ।
