୨୦୦ରୁ ଅଧିକ OAS ନବନିଯୁକ୍ତ ଅଧିକାରୀଙ୍କୁ ମିଳିଲା ପ୍ରଥମ ନିଯୁକ୍ତି। OAS ଅଧିକାରୀଙ୍କ ପ୍ରଶିକ୍ଷଣ ସରିବା ପରେ ପ୍ରଥମ ନିଯୁକ୍ତି ପ୍ରଦାନ କରିଛନ୍ତି। ରାଜ୍ୟ ସରକାରଙ୍କ ରାଜସ୍ବ ଓ ବିପର୍ଯ୍ୟୟ ପରିଚାଳନା ବିଭାଗ ଦ୍ୱାରା ୨୦୦ରୁ ଅଧିକ ନବନିଯୁକ୍ତ ଓଡ଼ିଶା ପ୍ରଶାସନିକ ସେବା ଅଧିକାରୀଙ୍କୁ ରାଜ୍ୟର ବିଭିନ୍ନ ଜିଲ୍ଲାରେ ପଦସ୍ଥାପନ କରାଯାଇଛି ।
ଅଧିକାଂଶ ଅଧିକାରୀଙ୍କୁ ଜିଲ୍ଲା କଲେକ୍ଟର କାର୍ଯ୍ୟାଳୟ ଓ ସବ୍ -କଲେକ୍ଟର କାର୍ଯ୍ୟାଳୟରେ ଉପ-କଲେକ୍ଟର କିମ୍ବା ତହସିଲଦାର ଭାବେ ନିଯୁକ୍ତ କରାଯାଇଛି। ଏହା ମାଧ୍ୟମରେ ସେମାନେ ଭୂମି ରେଭେନ୍ୟୁ, ବିପର୍ଯ୍ୟୟ ପରିଚାଳନା ଓ ମୂଳସ୍ତରର ପ୍ରଶାସନିକ କାର୍ଯ୍ୟରେ ପ୍ରାୟୋଗିକ ଅନୁଭବ ଲାଭ କରିପାରିବେ।
ଶ୍ବେତାଶ୍ରୀ ମହାପାତ୍ରଙ୍କୁ ଭଦ୍ରକର ଡେପୁଟି କଲେକ୍ଟର ଭାବେ ନିଯୁକ୍ତ କରାଯାଇଛି। ପ୍ରଜ୍ଞା ପରଙ୍ଗମାଙ୍କୁ ଡେପୁଟି କଲେକ୍ଟର ଭୁବନେଶ୍ବର ଓ ବିକାଶ କୁମାର ସାହୁଙ୍କୁ ନୟାଗଡ଼ର ଡେପୁଟି କଲେକ୍ଟର, ରାଜୀବ ଲୋଚନ ଦୀକ୍ଷିତଙ୍କୁ ଜଗତସିଂହପୁର ଡେପୁଟି କଲେକ୍ଟର, ରୀତେଶ କୁମାର ପଣ୍ଡାଙ୍କୁ କେନ୍ଦୁଝରର ଡେପୁଟି କଲେକ୍ଟର ଭାବେ ନିଯୁକ୍ତ କରାଯାଇଛି ।
ଖୋର୍ଦ୍ଧାର ଡେପୁଟି କଲେକଟର ଭାବେ ସଂଗ୍ରାମ କିଶୋର ଜେନା ଓ ନିବେଦିତା ରାଉତଙ୍କୁ ଡେପୁଟି କଲେକ୍ଟର ଢେଙ୍କାନାଳ ଭାବେ ନିଯୁକ୍ତି ପ୍ରଦାନ କରାଯାଇଛି। କିଛି ଅଧିକାରୀଙ୍କୁ ବୋର୍ଡ ଅଫ୍ ରେଭେନ୍ୟୁ, ବାଣିଜ୍ୟ ଓ ପରିବହନ, ଜଳସମ୍ପଦ, ଗୃହ ଓ ସହର ଉନ୍ନୟନ ବିଭାଗ ସହିତ ଜଳସେଚନ ପ୍ରକଳ୍ପରେ ‘ସେବା ଅର୍ପିତ’ ଆଧାରରେ ନିଯୁକ୍ତ କରାଯାଇଛି ।
