ସଂଚାର ବ୍ୟୁରୋ: ସ୍ବାମୀଙ୍କ ସହ ପରକୀୟା ସନ୍ଦେହରେ ପର ସ୍ତ୍ରୀ ଘର ଆଗରେ ହଙ୍ଗାମା କଲେ ମହିଳା । ଭୁବନେଶ୍ବର ନୀଳାଦ୍ରି ବିହାର ଅଞ୍ଚଳରେ ଏଭଳି ଘଟଣା ଦେଖିବାକୁ ମିଳିଛି । ସ୍ତ୍ରୀଙ୍କ ଅଭିଯୋଗ ଅନୁସାରେ, ତାଙ୍କ ସ୍ବାମୀ ଅନ୍ଯଜଣେ ମହିଳାଙ୍କ ସହ ସମ୍ପର୍କ ରଖିଛନ୍ତି । ନିଜ ଘରକୁ ଅଣଦେଖା କରି ପରକୀୟାରେ ଟଙ୍କା ଉଡ଼ାଉଛନ୍ତି । ଅନ୍ଯ ଜଣେ ମହିଳାଙ୍କୁ ପାର୍କ ଓ ଫିଲ୍ମ ନେଇ ଯାଉଛନ୍ତି । ପୂର୍ବରୁ ମହିଳା ଜଣଙ୍କ ଥାନା, ରାଜ୍ଯ ମାନବାଧିକାର କମିଶନଙ୍କ ଦ୍ବାରସ୍ଥ ହୋଇଥିଲେ ବି କୌଣସି ସୁଫଳ ମିଳିନି । ଏଣୁ ବାଧ୍ଯ ହୋଇ ସେ ସଂପୃକ୍ତ ମହିଳାଙ୍କ ଘର ଆଗରେ ହଙ୍ଗାମା କରିଛନ୍ତି । ଚନ୍ଦ୍ରଶେଖରପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ବୁଝାସୁଝା କରିଛି ।
