ସଂଚାର ବ୍ୟୁରୋ: ୨୦୨୪ ନୋବେଲ ଶାନ୍ତି ପୁରସ୍କାର ଘୋଷଣା କରାଯାଇଛି । ଜାପାନର ସାମାଜିକ ସଙ୍ଗଠନ ନିହୋନ ହିଡାନକ୍ଯୋକୁ ମିଳିବ ନୋବେଲ ଶାନ୍ତି ପୁରସ୍କାର । ପରମାଣୁ ଅସ୍ତ୍ରଶସ୍ତ୍ର ବିରୋଧରେ ଅଭିଯାନ ଜାରି ରଖିଥିବାରୁ ଏହି ପୁରସ୍କାର ପ୍ରଦାନ କରାଯିବ ।
ଚଳିତବର୍ଷର ନୋବେଲ ଶାନ୍ତି ପୁରସ୍କାର ପାଇଁ ମୋଟ ୨୮୬ ଆବେଦନ ଆସିଥିଲା । ଏଥିମଧ୍ୟରୁ ଜାପାନର ହିରୋସୀମା ଓ ନାଗାସାକି ବୋମା ବିଭୀଷିକାରୁ ବର୍ତ୍ତି ଯାଇଥିବା ଲୋକଙ୍କୁ ସେବା ଯୋଗାଇ ଆସୁଥିବା ଓ ବିଶ୍ବକୁ ପରମାଣୁ ମୁକ୍ତ କରିବାକୁ ଅଭିଯାନ ଜାରି ରଖିଛି ଏହି ସଂଗଠନ । ଆଣବିକ ଅସ୍ତ୍ରଶସ୍ତ୍ର ମୁକ୍ତ ବିଶ୍ଵ ଆହ୍ଵାନ ଦେଇ କାମ କରୁଛି ଏହି ସଂଗଠନ ।
ହିରୋସୀମା ନାଗାସାକି ପରମାଣୁ ଆକ୍ରମଣରୁ ବର୍ତ୍ତି ଯାଇଥିବା ଲୋକଙ୍କୁ ନ୍ୟାୟ ପ୍ରଦାନ କରିବାକୁ ହିବାକୁଶା ନାମରେ ଆନ୍ଦୋଳନ ଅଭିଯାନ ଚାଲିଛି । ୨୦୨୩ରେ ଇରାନୀ ସାମ୍ବାଦିକ ତଥା ମାନବାଧିକାର କର୍ମୀ ନର୍ଗିସ ମୋହମ୍ମଦୀଙ୍କୁ ମିଳିଥିଲା ଗତବର୍ଷର ନୋବେଲ ଶାନ୍ତି ପୁରସ୍କାର ।
