ସଂଚାର ବ୍ୟୁରୋ: ଆଶ୍ରମ ସ୍କୁଲରେ ପଢୁଥିବା ଛାତ୍ରୀଙ୍କ ସନ୍ଦେହଜନକ ମୃତ୍ଯୁକୁ ନେଇ ଉତ୍ତେଜନା ଦେଖାଦେଇଛି । ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନା ନୁଆମାଳିଆ ଆଶ୍ରମ ସ୍କୁଲରେ ଅଷ୍ଟମ ଶ୍ରେଣୀ ଛାତ୍ରୀ ମାଇନ ହୋଙ୍କ ମୃତ୍ଯୁ ହୋଇଥିଲା । ମୃତ ମାଇନ ହୋ ମୟୁରଭଞ୍ଜ ଜିଲ୍ଲା ଠାକୁରମୁଣ୍ଡା ଥାନା ସାରବିଲ ଗାଁର ହୋଇଥିବାବେଳେ ମାମୁଘରେ ରହି ପାଠ ପଢୁଥିଲେ । ଗତ ୧୦ ତାରିଖରେ ସ୍କୁଲରେ ଅସୁସ୍ଥ ହୋଇପଡ଼ିବା ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ପରେ ତାଙ୍କର ମୃତ୍ଯୁ ଘଟିଥିଲା । ଝିଅର ମୃତ୍ଯୁ ପାଇଁ ପରିବାର ଲୋକ ଓ ଗ୍ରାମବାସୀ ସ୍କୁଲ କର୍ତ୍ତୃପକ୍ଷଙ୍କୁ ଦାୟୀ କରିଛନ୍ତି । ଝିଅର ଦେହ ଖରାପ ହେବାପରେ ପରିବାର ଲୋକଙ୍କୁ ନଜଣାଇ କିପରି ଦାନଗଦି ଓ ପରେ କଟକ ମେଡିକାଲକୁ ନିଆଗଲା ବୋଲି ପ୍ରଶ୍ନ ଉଠିଛି । ଅଭିଯୋଗକୁ ସ୍କୁଲ କର୍ତ୍ତୃପକ୍ଷ ଖଣ୍ଡନ କରିଥିବାବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।
