ସଂଚାର ବ୍ୟୁରୋ: ରାଜଧାନୀରେ ବିଭତ୍ସ ହତ୍ୟା । ଝିଆରୀକୁ ପ୍ରେମ କରୁଥିଲା, ଦାଦକୁ ହତ୍ୟା କଲା । ଚଳନ୍ତା ବାଇକରେ ଯୁବକଙ୍କ ବେକ କାଟିଦେଲା । ଖଣ୍ଡଗିରି ଥାନା ଜଗନ୍ନାଥ ନଗର ଶୁକ ବିହାର ଅଞ୍ଚଳରେ ଘଟିଛି ଘଟଣା । ଜଗା ମଲ୍ଲିକ ନାମକ ଯୁବକକୁ ସେହି ସାହିର ଚିନ୍ମୟ ପୃଷ୍ଟି ହତ୍ୟା କରିଥିବା ଜଣାପଡ଼ିଛି । ଝିଆରୀକୁ ଚିନ୍ମୟ ପ୍ରେମ କରୁଥିବା ବେଳେ ଏହାକୁ ବିରୋଧ କରୁଥିଲା ଜଗା । ଯାହାକୁ ନେଇ ରାସ୍ତାରୁ କଣ୍ଟା ସଫା କରିବା ପାଇଁ ପ୍ଲାନ୍ କରିଥିଲା ଚିନ୍ମୟ । ଗତକାଲି ରାତି ପାଖାପାଖି ସାଢ଼େ 12 ଟା ବେଳେ ଜଗା ନିଜ ବାଇକରେ ଘରକୁ ଫେରୁଥିବା ବେଳେ ପୂର୍ବରୁ ଏକ ସ୍ଥାନରେ ଲୁଚି ରହିଥିବା ଚିନ୍ମୟ ଅନ୍ଧାରରେ ଖଣ୍ଡା ଚୋଟ ଜଗା ବେକରେ ପକାଇଥିଲା । ଫଳରେ ଘଟଣା ସ୍ଥଳରେ ଜଗାର ବେକ କଟିଯାଇଥିଲା । ଘଟଣାକୁ ନେଇ ଖଣ୍ଡଗିରି ଥାନାରେ ଏକ ମାମଲା ରୁଜୁ ହେବା ସହ ପୋଲିସ ଅଭିଯୁକ୍ତ ଚିନ୍ମୟ କୁ ଥାନାରେ ଅଟକ ରଖିଛି । ଆଜି ପଚରାଉଚରା ପରେ ତାକୁ କୋର୍ଟ ଚାଲାଣ କରାଯିବ।
