ସଂଚାର ବ୍ୟୁରୋ: ନୟାଗଡ଼ ଜିଲ୍ଲା ଖଣ୍ଡପଡ଼ା ଏନଏସି ଚେୟାରମ୍ୟାନଙ୍କ ବିରୋଧରେ ଆସିଲା ଅନାସ୍ଥା ପ୍ରସ୍ତାବ। ଅଜ୍ଞାତରେ ମେଳି ବାନ୍ଧିଛନ୍ତି ୯ କାଉନସିଲର। କେତେଜଣ କାଉନସିଲରଙ୍କ ପାଇଁ ଏବେ ଚେୟାରମ୍ୟାନଙ୍କୁ ପଦ ହରାଇବା ଆଶଙ୍କା ଦେଖାଦେଉଛି l ଖଣ୍ଡପଡ଼ାବାସୀଙ୍କୁ ମୌଳିକ ସୁବିଧା ଯୋଗାଇ ଦେବାରେ ବିଫଳ। ଖଣ୍ଡପଡ଼ା ଏନଏସିରେ ଅଧ୍ୟକ୍ଷାଙ୍କ ମନମୁଖୀ କାର୍ଯ୍ୟ। ଅଧ୍ୟକ୍ଷା ସ୍ଵାମୀଙ୍କ ଫଲ୍ସ ବିଲ ଓ ଅସାମାଜିକ କାର୍ଯ୍ୟସହ ଜଡ଼ିତ ଥିବା ଅଭିଯୋଗରେ ନୟାଗଡ଼ ଜିଲ୍ଲାପାଳଙ୍କ ନିକଟରେ ଅନାସ୍ଥା ପ୍ରସ୍ତାବ ଆଗତ କରିଛନ୍ତି। ଗତ ଏନଏସି ନିର୍ବାଚନରେ ଅଧ୍ୟକ୍ଷା ଭାବେ ସ୍ଵାଧୀନ ପ୍ରାର୍ଥୀ ଆରତୀ ପ୍ରଧାନ ବିଜୟୀ ହୋଇଥିଲେ l ପରେ ସେ ବିଜେପିରେ ମିଶିଥିଲେ l ଖଣ୍ଡପଡ଼ା ଏନଏସିର ୧୩ ଜଣ କାଉନସିଲରଙ୍କ ମଧ୍ୟରୁ କିଛି ବିଜେଡି , ବିଜେପି ଓ କିଛି ସ୍ଵାଧୀନ ରହିଥିଲେ l ଏବେ ୯ ଜଣ କାଉନସିଲର ଖଣ୍ଡପଡ଼ା ଏନଏସି ଚେୟାରମ୍ୟାନଙ୍କୁ ହଟାଇବା ପାଇଁ ଏକ ଅଜ୍ଞାତ ଜାଗାରେ ମେଳି ବାନ୍ଧିଛନ୍ତି। ଏହାସହ ଜିଲ୍ଳାପାଳଙ୍କ ନିକଟରେ ଫେରାଦ ହୋଇ ଅଧ୍ୟକ୍ଷାଙ୍କ ବିରୁଦ୍ଧରେ ଅନାସ୍ଥା ପ୍ରସ୍ତାବ ଆଗତ କରିଛନ୍ତି।
