ଆଜି ଭାରତ- ଦକ୍ଷିଣ ଆଫ୍ରିକା ମଧ୍ୟରେ ସେଞ୍ଚୁରିଆନରେ ଖେଳାଯିବ ତୃତୀୟ ଟି-୨୦ ମ୍ୟାଚ । ୪ ମ୍ୟାଚ୍ ବିଶିଷ୍ଟ ସିରିଜ ବର୍ତ୍ତମାନ ୧-୧ ସମାନ ସ୍ତରରେ ଥିବାବେଳେ ଉଭୟ ଦଳ ତୃତୀୟ ଟି-୨୦ ଜିତି ସିରିଜରେ ଅଗ୍ରଣୀ ହାସଲ କରିବାକୁ ଚାହିଁବେ । ଆଜି ସେଞ୍ଚୁରିଆନର ସପୁରସ୍ପୋଟର୍ସ ପାର୍କରେ ଖେଳାଯିବ । ଏହି ପିଚରେ ବୋଲରଙ୍କୁ ଭଲ ବାଉନ୍ସ ମିଳିବ । ଟସ୍ ଜିତିବା ଟିମ୍ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇପାରେ ।
ଡର୍ବାନରେ ଖେଳାଯାଇଥିବା ପ୍ରଥମ ଟି-୨୦ ମ୍ୟାଚ୍ କୁ ଭାରତ ୬୧ ରନ୍ ରେ ଜିତି ଘରୋଇ ଦଳକୁ ଚକମା ଦେଇଥିବା ବେଳେ ଦ୍ବିତୀୟ ମ୍ୟାଚ୍ ୩ ୱିକେଟରେ ଜିତି ଟୁର୍ଣ୍ଣାମେଣ୍ଟକୁ କମ୍ ବ୍ୟାକ୍ କରିଥିଲା ଦକ୍ଷିଣ ଆଫ୍ରିକା ।
ଏହି ବିଜୟ ସହ ଦକ୍ଷିଣ ଆଫ୍ରିକା ୪ ମ୍ୟାଚ୍ ବିଶିଷ୍ଟ ଶୃଙ୍ଖଳାକୁ ୧-୧ ସ୍ତରକୁ ନେଇ ଆସିବାରେ ସକ୍ଷମ ହୋଇଥିଲା । ତୃତୀୟ ଟି -୨୦ ମ୍ୟାଚରେ ଭାରତୀୟ ବ୍ୟାଟ୍ସମ୍ୟାନଙ୍କଠାରୁ ଭଲ ପ୍ରଦର୍ଶନ ଆଶା କରୁଛନ୍ତି କ୍ରିକେଟପ୍ରେମୀ । ଶେଷ ମ୍ୟାଚରେ ଦଳ ଏଥିରେ ପୁରା ବିଫଳ ହୋଇଥିଲା ।
ତୃତୀୟ ଟି-୨୦ ମ୍ୟାଚ ପାଇଁ ସମ୍ଭାବ୍ୟ ଏକାଦଶ : ସଞ୍ଜୁ ସାମସନ(ୱିକେଟ କିପର), ଅଭିଷେକ ଶର୍ମା, ସୂର୍ଯ୍ୟକୁମାର ଯାଦବ(ଅଧିନାୟକ), ତିଳକ ବର୍ମା, ରିଙ୍କୁ ସିଂ, ହାର୍ଦ୍ଦିକ ପାଣ୍ଡ୍ୟା, ଅକ୍ଷର ପଟେଲ, ରବି ବିଷ୍ଣୋଇ, ବରୁଣ ଚକ୍ରବର୍ତ୍ତୀ, ଆବେଶ ଖାନ, ଅର୍ଶଦୀପ ସିଂ ।
