ସଂଚାର ବ୍ୟୁରୋ: ଆଜି ଆଲୋକର ପର୍ବ ଦୀପାବଳି । ଏଥି ପାଇଁ ଗାଁଠୁ ସହରରେ ଉତ୍ସବର ମାହୋଲ । ସବୁଠି ଲାଗି ରହିଛି ଉତ୍ସାହ ଉଦ୍ଦୀପନା । ରଙ୍ଗୋଲିରେ ସଜେଇ ହୋଇଛି ଘର ଅଗଣା । ବାଣ ଫୁଟାଇ,ପରସ୍ପରକୁ ମିଠା ଖୁଆଇ ଦୀପାବଳିର ଶୁଭେଚ୍ଛା ଜଣାଇବେ । ଏଥିପାଇଁ ଘରେ ଘରେ ହୋଇଛି ପ୍ରସ୍ତୁତି । ଅପେକ୍ଷା ରହିଛି କେବେ ସନ୍ଧ୍ୟା ହେବ ? ଆଉ ଚିକିମିକ ଆଲୁଅରେ ଝଲସି ଉଠିବ ପୁରପଲ୍ଲୀ । ଏଥର ଗ୍ରୀନ କ୍ରାକର ସହ ମାଟି ଦୀପର ରହିଛି ବେଶ ଚାହିଦା । ଏହି ଦିନ ଦେବୀ ଲକ୍ଷ୍ମୀ, ଭଗବାନ ଗଣେଶ ଏବଂ କୁବେର ଦେବଙ୍କୁ ପୂଜା କରିବାର ପରମ୍ପରା ମଧ୍ୟ ରହିଛି। ବିଶ୍ୱାସ କରାଯାଏ ଯେ ଏହି ଦେବତା ଏବଂ ଦେବୀଙ୍କୁ ପୂଜା କରି ଜୀବନର ସମସ୍ତ ଦୁଃଖ ଓ ଯନ୍ତ୍ରଣା ଦୂର ହୋଇଯାଏ।
