ସଂଚାର ବ୍ୟୁରୋ: ଗ୍ରାହକ ବେଶରେ ଆସି ଗହଣା ଦୋକାନରୁ ଅଭିନବ ଉପାୟରେ ଲୁଟି ନେଲେ 3 ଲକ୍ଷରୁ ଉର୍ଧ୍ବ ଟଙ୍କାର ସୂନା ଗହଣା । ବାଲେଶ୍ବର ଜିଲ୍ଲା ସିଂଲା ଥାନା ଅନ୍ତର୍ଗତ ସାହାଡା ମାର୍କେଟରେ ଥିବା ଶାନ୍ତି ଜୁଏଲର୍ସରୁ ଗ୍ରାହକ ବେଶରେ ଆସି ଲୁଟି ନେଲେ 5 ଭରି ଓଜନର ଗହଣା । ଦୋକାନରେ ଲାଗିଥିବା ସିସିଟିଭି କ୍ଯାମେରାରେ କଏଦ ହୋଇଛି ଚୋରିର ବେଳର ଭିଡିଓ । ସିଂଲା ଥାନା ଅନ୍ତର୍ଗତ ସାହାଡା ଗାଁର ବନମାଳି ସାନ୍ତରାଙ୍କ ସାହାଡା ମାର୍କେଟ ରେ ଶାନ୍ତି ଜୁଏଲାର୍ସ ନାମରେ ଏକ ଗହଣା ଦୋକାନ ରହିଛି । ସବୁଦିନ ଭଳି ଗତକାଲି ଦୋକାନ ଖୋଲି ଗହଣା ବିକ୍ରି କରୁଥିବା ବେଳେ ଦୁଇଜଣ ଯୁବକ ଗହଣା କିଣିବା ବାହାନାରେ ଦୋକାନକୁ ଆସି ବିଭିନ୍ନ ଗହଣା ଦେଖାଇବାକୁ ଦୋକାନୀଙ୍କୁ କହିଥିଲେ । ଦୋକାନୀ ସେମାନଙ୍କୁ ଗହଣା ଦେଖାଇବା ସମୟରେ ଯୁବକ ଜଣକ ଆଖି ପିଛୁଳାକେ ଗହଣା ଧରି ଚମ୍ପଟ ମାରିଥିଲେ । ଏହି ସମସ୍ତ ଦୃଶ୍ଯ ଦୋକାନରେ ଲାଗିଥିବା ସିସିଟିଭି କ୍ଯାମେରାରେ ରେକର୍ଡ ହୋଇ ଥିଲା । ଏନେଇ ସିଂଲା ଥାନା ଲିଖିତ ଅଭିଯୋଗ କରିବା ପରେ ସିସିଟିଭି ଫୁଟେଜ ଆଧାରରେ ପୋଲିସ ଘଟଣାର ତଦନ୍ତ ଚଳାଇଛି । …
