ଆସନ୍ତାକାଲି ଗଞ୍ଜାମ ଗସ୍ତରେ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ବାତ୍ୟା ଅକଭାନ ପ୍ରଭାବରେ ଜିଲ୍ଲାରେ କ୍ଷୟକ୍ଷତିର ଅନୁଧ୍ୟାନ କରିବେ। ଭୁବନେଶ୍ବର ବିମାନ ବନ୍ଦରରୁ ସକାଳ ସାଢେ ୮ଟାରେ ହେଲିକପଟର ଯୋଗେ ଗଞ୍ଜାମ ଯିବେ। ସକାଳ ୯ଟା ୧୫ରେ ରଙ୍ଗେଇଲୁଣ୍ଡା ଏୟାରଷ୍ଟ୍ରିପରେ ପହଞ୍ଚିବେ। ସେଠାରୁ ସଡ଼କପଥରେ ଯାଇ ୧୦ଟା ୦୫ ମିନିଟରେ ପୁରୁଷୋତ୍ତମପୁର ବ୍ଲକର ହଣ୍ଡିଘର ଗାଁରେ ପହଞ୍ଚିବେ।
ସେଠାରେ ଅର୍ଣ୍ଣବ ଓ ଅକଭାନ ବାତ୍ୟାରେ ହୋଇଥିବା ଫସଲ କ୍ଷୟକ୍ଷତିର ସମୀକ୍ଷା କରିବେ। ସକାଳ ୧୦ଟା ୨୫ରେ ହଣ୍ଡିଘରରୁ ବାହାରି ୧୦ଟା ୫୦ରେ ଛତ୍ରପୁର ବ୍ଲକର ବଉଳଗାଁରେ ପହଞ୍ଚି ଫସଲ କ୍ଷୟକ୍ଷତି ଅନୁଧ୍ୟାନ କରିବେ। ସକାଳ ୧୧ଟା ୧୦ରେ ବଉଳଗାଁରୁ ବାହାରି ୧୧ଟା ୨୫ରେ ଛତ୍ରପୁର ଜିଲ୍ଲା ପରିଷଦସ୍ଥିତ ଋଷିକୁଲ୍ୟା ସମ୍ମିଳନୀ କକ୍ଷରେ ପହଞ୍ଚିବେ।
ସେଠାରେ ମଧ୍ୟାହ୍ନ ୧୨ଟା ୨୫ ପର୍ଯ୍ୟନ୍ତ ମୁଖ୍ୟମନ୍ତ୍ରୀଙ୍କ ପ୍ୟାକେଜ୍ ବଣ୍ଟନ ଓ ବାତ୍ୟା ପରବର୍ତ୍ତୀ ପୁନରୁଦ୍ଧାର କାର୍ଯ୍ୟର ସମୀକ୍ଷା କରିବେ। ମଧ୍ୟାହ୍ନ ୧୨ଟା ୨୫ରେ ଛତ୍ରପୁରରୁ ବାହାରି ୧୨ଟା ୪୦ରେ ରଙ୍ଗେଇଲୁଣ୍ଡା ଏୟାରଷ୍ଟ୍ରିପ୍ ରେ ପହଞ୍ଚିବେ। ୧୨ଟା ୪୫ରେ ହେଲିକପ୍ଟର ଯୋଗେ ଯିବେ।



