ଭୁବନେଶ୍ୱର (ମଧ୍ୟ) ନିର୍ବାଚନ ମଣ୍ଡଳୀ ଅନ୍ତର୍ଗତ ଝାରପଡା ଓ ଲକ୍ଷ୍ମୀସାଗର ଗ୍ରାମର ବହୁ ପ୍ରତୀକ୍ଷିତ ଦୁଇଟି ଐତିହ୍ୟ ପ୍ରବେଶ ତୋରଣ ନିମନ୍ତେ ଆଜି ଶୁଭ ଭିତ୍ତିପ୍ରସ୍ତର ସ୍ଥାପନ କରାଯାଇଛି।ମାନନୀୟା ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡାଙ୍କ କରକମଳରେ ଏହି ଶୁଭକାର୍ଯ୍ୟ ସମ୍ପନ୍ନ ହୋଇଛି।
ଭୁବନେଶ୍ୱର ବିଜେପି ନେତା ଶ୍ରୀ ଜଗନ୍ନାଥ ପ୍ରଧାନ ଓ ଅଞ୍ଚଳର ଯୁବ ନେତୃତ୍ୱଙ୍କ ଦ୍ୱାରା ଆୟୋଜିତ ବିଶାଳ ବାଇକ ରାଲି ମାଧ୍ୟମରେ ଉପମୁଖ୍ୟମନ୍ତ୍ରୀଙ୍କୁ ଭବ୍ୟ ସ୍ୱାଗତ କରାଯାଇଥିଲା।
ଏହି ଅବସରରେ ଝାରପଡା ଓ ଲକ୍ଷ୍ମୀସାଗର ଗ୍ରାମର ଗୁରୁଜନ, ମହିଳା ଓ ଯୁବ କାର୍ଯ୍ୟକର୍ତ୍ତା ଉପସ୍ଥିତ ରହି ଉପମୁଖ୍ୟମନ୍ତ୍ରୀଙ୍କୁ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ।
ଏହି ପ୍ରବେଶ ତୋରଣ ଦୁଇଟି ଗ୍ରାମର ଐତିହ୍ୟ ଓ ପରିଚୟକୁ ଆହୁରି ସମୃଦ୍ଧ କରିବ ବୋଲି ଉପମୁଖ୍ୟମନ୍ତ୍ରୀ ଶ୍ରୀମତୀ ପରିଡ଼ା କହିଛନ୍ତି l ଏହି ଶୁଭ ଉତ୍ସବରେ ଗ୍ରାମର ସମସ୍ତ ଗୁରୁଜନ ଓ ମହିଳା ମାନେ ଉପସ୍ଥିତ ଥିଲେ..



