ଶିକ୍ଷକ ଓ କର୍ମଚାରୀ ସଂଘଗୁଡ଼ିକୁ ରାଜ୍ୟ ସରକାର ବଡ଼ ଭେଟି ଦେଇଛନ୍ତି । ଶିକ୍ଷକମାନଙ୍କ ସମସ୍ୟା ସମ୍ପର୍କିତ ଅଶୋକ ତ୍ରିପାଠୀ କମିଟିର ୧୫ଟି ଗୁରୁତ୍ଵପୂର୍ଣ୍ଣ ସୁପାରିସକୁ କାର୍ଯ୍ୟକାରୀ କରିବାକୁ ନିଷ୍ପତ୍ତି ନେଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଏକ ଉଚ୍ଚସ୍ତରୀୟ ବୈଠକରେ ଏହି ନିଷ୍ପତ୍ତି ନିଆଯାଇଛି ।
ନିଷ୍ପତ୍ତି ଅନୁସାରେ, ୨୦୧୩ ବ୍ଲକ ଗ୍ରାଣ୍ଟରୁ ବଞ୍ଚିତ ୧୯୪ଟି ଉଚ୍ଚ ବିଦ୍ୟାଳୟକୁ ମିଳିବ ସରକାରୀ ଅନୁଦାନ । ପାର୍ଟ-ଟାଇମ୍ କଳା, ସଂଗୀତ ଓ କ୍ରୀଡ଼ା ଶିକ୍ଷକଙ୍କ ଦରମା ୧୦ ହଜାରରୁ ୧୬ ହଜାର ଟଙ୍କାକୁ ବୃଦ୍ଧି କରାଯାଇଛି । ୨୦୧୬ରୁ ୨୦୧୮ ମଧ୍ୟରେ ନିଯୁକ୍ତ ଶିକ୍ଷା ସହାୟକମାନଙ୍କୁ ନିୟମିତ କରାଯିବ । ୨୦୨୨ରେ ନିୟମିତ ହୋଇଥିବା TGT ଓ PET ଶିକ୍ଷକମାନଙ୍କୁ ମିଳିବ ବକେୟା ଦରମା ।
