ଜମ୍ମୁ-କଶ୍ମୀରର କୁଲଗାମ ଜିଲ୍ଲାରେ ସୁରକ୍ଷାକର୍ମୀଙ୍କ ଉପରେ ଗୁଳିମାଡ଼ । ଏଥିରେ କେନ୍ଦ୍ରୀୟ ରିଜର୍ଭ ପୋଲିସ ଫୋର୍ସ (CRPF)ର ୩ଜଣ ଯବାନ ଆହତ ହୋଇଛନ୍ତି । ଏକ ଚେକପୋଷ୍ଟରେ ଡ୍ୟୁଟିରେ ଥିବା ସମୟରେ ବାଇକରେ ଆସି ଅଜଣା ଆକ୍ରମଣକାରୀମାନେ ଯବାନଙ୍କ ଉପରକୁ ଗୁଳି ଚଳାଇଥିଲେ । ଆତଙ୍କୀ ଘଟଣା ପରେ ସିଆରପିଏଫ ବୟାନ ଜାରି କରିଛି ।
ଖବର ମୁତାବକ, ଆଜି ଅପରାହ୍ନ ପ୍ରାୟ ୨ଟା ୧୫ ମିନିଟରେ ଏହି ଘଟଣା ଘଟିଛି । ସିଆରପିଏଫ ଯବାନ ନାକା ଚେକିଂ କରିବା ବେଳେ ଗୁଳିମାଡ଼ ହୋଇଛି । ଆକ୍ରମଣକାରୀମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ଆହତ ଦୁଇ ଯବାନଙ୍କୁ ଚିକିତ୍ସା ପାଇଁ ଅନନ୍ତନାଗ ଜିଲ୍ଲାର ଏକ ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣା ପରେ ଅଞ୍ଚଳରେ ସୁରକ୍ଷା ବ୍ୟବସ୍ଥା ଓ ତଦନ୍ତ ସମ୍ପର୍କିତ ଅଧିକ ତଥ୍ୟ ମିଳିନାହିଁ ।
Related posts
ଘଟଣା ପରେ ସିଆରପିଏଫ ଯବାନ ସ୍ଥାନୀୟ ଅଞ୍ଚଳରେ କାଉଣ୍ଟର ଅପରେସନ ଆରମ୍ଭ କରିଛନ୍ତି । ସୁରକ୍ଷାବଳ ସମଗ୍ର ଅଞ୍ଚଳକୁ ଘେରାବନ୍ଦୀ କରି ସର୍ଚ୍ଚ ଅପରେସନ ଜାରି ରଖିଛନ୍ତି । ସ୍ଥାନୀୟ ଅଞ୍ଚଳରେ ସୁରକ୍ଷା ବ୍ୟବସ୍ଥା ବଢାଇଦିଆଯାଇଛି ।
