ସଂଚାର ବ୍ୟୁରୋ: ବରଗଡ଼ରେ ଚିନ୍ତା ବଢାଇଲା ସ୍କ୍ରବ ଟାଇଫସ । ବଢୁଥିବା ରୋଗୀ ସଂଖ୍ୟା ଓ ସ୍ଥିତିର ଅନୁଧ୍ୟାନ ପାଇଁ ବିଭିନ୍ନ ହସ୍ପିଟାଲରେ ପହଞ୍ଚିଛନ୍ତି ଜିଲ୍ଲା ସ୍ବାସ୍ଥ୍ୟ ବିଭାଗର ଏକ ଟିମ୍ । ସରକାରୀ ଡାକ୍ତରଖାନା ଅପେକ୍ଷା ଘରୋଇ ହସ୍ପିଟାଲରେ ସ୍କ୍ରବ ଟାଇଫସ ରୋଗୀ ଅଧିକ ଭର୍ତ୍ତି ହୋଇଛନ୍ତି l ଏପର୍ଯ୍ୟନ୍ତ ସରକାରୀ ହସ୍ପିଟାଲରେ ମାତ୍ର ୩ଟି ସ୍କ୍ରବ ଟାଇଫସ ରୋଗୀଙ୍କୁ ଚି଼ହ୍ନଟ କରାଯାଇଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି । ଅନ୍ୟପଟେ ବେସରକାରୀ ଆକଳନ ହିସାବରେ ଏହି ରୋଗରେ ଆକ୍ରାନ୍ତଙ୍କ ସଂଖ୍ୟା ବରଗଡ଼ ଜିଲ୍ଲାରେ ୨୦ରୁ ୨୫ ରହିଛି । ଜିଲ୍ଲାରେ ପ୍ରାୟ ୫ଜଣ ରୋଗୀଙ୍କ ମୃତ୍ୟୁ ହୋଇଥିବା ସୂଚନା ରହିଛି l ତେବେ ଘରୋଇ ହସ୍ପିଟାଲରେ ସ୍କ୍ରବ ଟାଇଫସ ପଜିଟିଭ ରୋଗୀଙ୍କୁ ଶୀଘ୍ର ଚି଼ହ୍ନଟ କରାଯାଇ ଉତ୍ତମ ଚିକିତ୍ସା ପ୍ରଦାନ କରାଯାଉଛି।
