ଟି୨୦ ବିଶ୍ବକପରୁ ଅଷ୍ଟ୍ରେଲିଆ ଲଜ୍ୟାଜନକ ଭାବେ ବିଦା ହୋଇଛି । ସୁପର-୮ ପର୍ଯ୍ୟାୟରେ ସ୍ଥାନ ପାଇନାହିଁ ଅଷ୍ଟ୍ରେଲିଆ । ଟି-୨୦ ବିଶ୍ଵକପ୍ ୨୦୨୬ରେ ଜିମ୍ବାଓ୍ଵେ ବନାମ ଆୟରଲାଣ୍ଡ ଗୁରୁତ୍ଵପୂର୍ଣ୍ଣ ମ୍ୟାଚ୍ ବର୍ଷାରେ ଧୋଇ ହୋଇ ଯାଇଛି । ଫଳରେ ଉଭୟ ଦଳକୁ ଗୋଟିଏ ଲେଖାଏଁ ମିଳିଛି । ଏଥିସହ ୫ ପଏଣ୍ଟ ପାଇ ସପ୍ତମ ଦଳ ଭାବେ ଚଳିତ ଟି-୨୦ ବିଶ୍ଵକପର ସୁପର-୮ ପାଇଁ ଯୋଗ୍ୟତା ଅର୍ଜନ କରିଛି ଜିମ୍ବାଓ୍ଵେ ।
ଅନ୍ୟପଟେ ବର୍ଷା ଅଷ୍ଟ୍ରେଲିଆ ଦଳର ସ୍ଵପ୍ନକୁ ଭାଙ୍ଗି ଚୂରମାର କରିଛି । ଶକ୍ତିଶାଳୀ ଅଷ୍ଟ୍ରେଲିଆ ଟିମ୍ ସୁପର-୮ ଦୌଡ଼ରୁ ବାଦ୍ ପଡ଼ିଛି । ଯଦି ଆଜିର ମ୍ୟାଚ୍ ଆୟରଲାଣ୍ଡ ଜିତିଥାନ୍ତା ତେବେ ଅଷ୍ଟ୍ରେଲିଆର ସୁପର-୮କୁ ଯିବା ଆଶା ଉଜ୍ଜିବୀତ ରହିଥାନ୍ତା । ଆଜିର ମ୍ୟାଚ ପରେ ଆୟରଲାଣ୍ଡର ୩ ପଏଣ୍ଟ ରହିଥିବା ବେଳେ ଅଷ୍ଟ୍ରେଲିଆ ୨ ପଏଣ୍ଟ ହାସଲ କରିଛି । ଗ୍ରୁପ ବି ଲିଗ ମ୍ୟାଚରେ ଶ୍ରୀଲଙ୍କା ୬ ପଏଣ୍ଟ ଏବଂ ଜିମ୍ବାୱେ ୫ ପଏଣ୍ଟ ସହିତ ଶୀର୍ଷରେ ରହିଛନ୍ତି ।
