ସଂଚାର ବ୍ୟୁରୋ: ଆଗକୁ ଆସୁଛି ପୂଜା ଋତୁ । ଡିଜେ ବ୍ଯାନ ପରେ ଏବେ ମେଲୋଡ଼ି ଉପରେ ଫୋକସ କରିଛନ୍ତି ବିଭିନ୍ନ ପୂଜା ମଣ୍ଡପ । ଚଳିତ ପୂଜା ଋତୁରେ ଧମାଲ କରିବ ଅର୍କ୍ରେଷ୍ଟା ସୁର୍ ତରଙ୍ଗ। ଏ ନେଇ ଭୁବନେଶ୍ୱର ଲିଂଗିପୁର ରିଅରସେଲ କ୍ୟାମ୍ପ ପୁରା ଚଳଚଞ୍ଚଳ । ଚାଲିଛି ଜୋରଦାର ରିହର୍ସାଲ। ଚଳିତ ବର୍ଷ ପୂଜା ବଜାରକୁ ନୂଆ ରଙ୍ଗ ନୂଆ ରୂପ ସହ ଅର୍କେଷ୍ଟ୍ରାରେ କମାଲ କରିବେ ମେଲୋଡି କୁଇନ ଇରା ମହାନ୍ତି । ତାଙ୍କ ସହ ଅଛନ୍ତି ଓଲିଉଡ ଜଗତର ପ୍ରତିଷ୍ଠିତ କଣ୍ଠଶିଳ୍ପୀ ତଥା ପ୍ଲେ ବ୍ୟକ୍ ସିଙ୍ଗର ପ୍ରଦୀପ ପଲାଇ, ସିଙ୍ଗର ସୁଶ୍ରୀ ସୌମ୍ୟା ଓ ଅନ୍ୟ କଣ୍ଠଶିଳ୍ପୀ । ସମସ୍ତେ ଭଲ ପରଫକମାନ୍ସ ଦେବା ସହ ଦର୍ଶକଙ୍କୁ ମନ ଓ ହୃଦୟକୁ ଛୁଇଁ ପାରିବେ ବୋଲି କହିଛନ୍ତି । ଭଜନ, ଓଲିଉଡ଼ ଓ ବଲିଉଡ ଗୀତ ଓ ଆଧୁନିକ ଗୀତ ସହ ଦେଶାତ୍ମକ ଗୀତ କୁ ଜୋରଦାର ପ୍ରସ୍ତୁତି ଚାଲିଛି ।
