ଆମେରିକାରେ ପୁଣି ଆଉ ଏକ ବିମାନ ଦୁର୍ଘଟଣା ଘଟିଛି । ୮ ଜଣ ଲୋକଙ୍କୁ ନେଇ ଯାଉଥିଲାବେଳେ ଏହି ଘରୋଇ ବିମାନ ଦୁର୍ଘଟଣାଗ୍ରସ୍ତ ହୋଇଥିବାର ସୂଚନା ପ୍ରଶାସନ ଦେଇଛି । ବମ୍ବାର୍ଡିୟର୍ ଚ୍ୟାଲେଞ୍ଜର ୬୦୦ ରବିବାର ସନ୍ଧ୍ୟା ପ୍ରାୟ ୭ଟା ୪୫ ମିନିଟ୍ ସମୟରେ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି । ବିମାନରେ ଥିବା ଲୋକଙ୍କ ଅବସ୍ଥା ସମ୍ପର୍କରେ କୌଣସି ସୂଚନା ମିଳିନାହିଁ । FAA ଏବଂ ଜାତୀୟ ପରିବହନ ସୁରକ୍ଷା ବୋର୍ଡ ଦୁର୍ଘଟଣାର ତଦନ୍ତ ଆରମ୍ଭ କରିଛନ୍ତି ।
ସୂଚନାନୁଯାୟୀ, ଅଧିକାଂଶ ଅଞ୍ଚଳ ତୁଷାରପାତ ସମସ୍ୟାର ସମ୍ମୁଖୀନ କରୁଥିବା ସମୟରେ ଏହି ଦୁର୍ଘଟଣା ଘଟିଛି । ବମ୍ବାର୍ଡିୟର ଚ୍ୟାଲେଞ୍ଜର 600 ହେଉଛି ଏକ ବଡ଼ ବିଜନେସ୍ ଜେଟ୍ । ଯାହା ୯ ରୁ ୧୧ ଜଣ ଯାତ୍ରୀଙ୍କ ପାଇଁ ଡିଜାଇନ୍ କରାଯାଇଛି । ଏହି ସମୟରେ ତୁଷାରପାତ ଲଗାତାର ଲାଗି ରହିଥିବାରୁ ଏପରି ଦୁର୍ଘଟଣା ଘଟିଛି ।
ଅନ୍ୟପଟେ ସମସ୍ତଙ୍କ ସୁରକ୍ଷାକୁ ଦୃଷ୍ଟିରେ ରଖି ଅଧିକାଂଶ ବିମାନ ଏବଂ ସଡ଼କ ପରିବହନ ବନ୍ଦ କରାଯାଇଛି ଦକ୍ଷିଣ-ପୂର୍ବରେ ଲକ୍ଷ ଲକ୍ଷ ଘର ଏବଂ ବ୍ୟବସାୟ ବିଦ୍ୟୁତ୍ ବିଚ୍ଛିନ୍ନ ହୋଇଯାଇଛି ।
