ସଂଚାର ବ୍ୟୁରୋ: ନିଖିଳ ଓଡ଼ିଶା ଆଶା କର୍ମୀ ସଂଘ ତରଫରୁ ଭୁବନେଶ୍ବର ଲୋୟର ପିଏମଜିରେ ଜୋରଦାର ବିକ୍ଷୋଭ। ହଜାର ହଜାର ସଂଖ୍ୟାରେ ଆଶା କର୍ମୀ ରାଜରାସ୍ତାରେ ବସି ବିକ୍ଷୋଭ ପ୍ରଦର୍ଶନ କରୁଛନ୍ତି I ରାଜ୍ୟରେ କାର୍ଯ୍ୟରତ ଆଶାକର୍ମୀଙ୍କ ବିଭିନ୍ନ ସମସ୍ୟା ନେଇକି ସଂଘ ତରଫରୁ ବିକ୍ଷୋଭ ପ୍ରଦର୍ଶନ କରାଯାଉଛି । ସାରା ରାଜ୍ୟରୁ ୫୪ ହଜାରୁ ଅଧିକ ଆଶା କର୍ମୀ କାର୍ଯ୍ୟରତ ଅଛନ୍ତି । ୧୩ ଦଫା ଦାବି ନେଇ ଆନ୍ଦୋଳନକୁ ଓହ୍ଲାଇଛି ସଂଘ I ମୃତ୍ୟୁକାଳୀନ ସହାୟତା ରାଶି ୩ଲକ୍ଷରୁ ୫ଲକ୍ଷକୁ ବୃଦ୍ଧି କରିବା ଦାବି ସହିତ, ଗ୍ରାମାଞ୍ଚଳର ଓ ସହରାଞ୍ଚଳରେ ଆଶାମାନଙ୍କୁ ମିଳୁଥିବା ଅନୁଦାନ ବୃଦ୍ଧି କରିବା ଦାବି କରିଛନ୍ତି । ଏହା ସହିତ ପୂର୍ବ ସରକାର ଦେଉଥିବା ଉତ୍ସାହିତ ରାଶି ବନ୍ଦ ଥିବା ବେଳେ ତାକୁ ପୁଣି ଥରେ ଦେବା ଦାବି କରିଛନ୍ତି ଆଶାକର୍ମୀ ।
