ଆଧାର କାର୍ଡକୁ ନେଇ ଏକ ଅପଡେଟ୍ ସାମ୍ନାକୁ ଆସିଛି । ବର୍ଥ ସାର୍ଟିଫିକେଟ୍ ଆବେଦନ କରିବା ପାଇଁ ଆଧାରକାର୍ଡର ଆବଶ୍ୟକ ପଡିବନାହିଁ । ଯୋଜନା ବିଭାଗ ଏ ସମ୍ପର୍କରେ ସମସ୍ତ ବିଭାଗକୁ ନିର୍ଦ୍ଦେଶ ଜାରି କରିଛି । ବେଆଇନ ଉଦ୍ଦେଶ୍ୟରେ ଡୁପଲିକେଟ୍ ବର୍ଥ ଏବଂ ଡେଥ୍ ସାର୍ଟିଫିକେଟକୁ ରୋକିବା ପାଇଁ ସରକାର ଏହି ନିଷ୍ପତ୍ତି ନେଇଛନ୍ତି ।
ସୂଚନାନୁଯାୟୀ, ମହାରାଷ୍ଟ୍ର ସରକାର ଆଧାର କାର୍ଡ ସମ୍ପର୍କରେ ସମାନ ନିର୍ଦ୍ଦେଶ ଜାରି କରିଛନ୍ତି । ଏଥିରେ କୁହାଯାଇଛି ଯେ, ମହାରାଷ୍ଟ୍ରରେ ବିଳମ୍ବିତ ଜନ୍ମ ପ୍ରମାଣପତ୍ର ପାଇବା ପାଇଁ ଆଧାର କାର୍ଡ ଆଉ ଏକ ଡକ୍ୟୁମେଣ୍ଟ ଭାବରେ ବୈଧ ହେବ ନାହିଁ । କେବଳ ମହାରାଷ୍ଟ୍ରରେ ନୁହେଁ ଏହି ନିୟମ ଉତ୍ତରପ୍ରଦେଶରେ ମଧ୍ୟ ଜାରି ହୋଇଛି । ବେଆଇନ ଉଦ୍ଦେଶ୍ୟରେ ଡୁପଲିକେଟ୍ ବର୍ଥ ଏବଂ ଡେଥ୍ ସାର୍ଟିଫିକେଟକୁ ରୋକିବା ପାଇଁ ସରକାର ଏହି ନିଷ୍ପତ୍ତି ନେଇଛନ୍ତି । ଏଥିସହ ରାଜସ୍ୱ ମନ୍ତ୍ରୀ ଚନ୍ଦ୍ରଶେଖର ବାୱଙ୍କୁଲେ ଆଧାର କାର୍ଡ ବ୍ୟବହାର କରି ଜାରି କରାଯାଇଥିବା ସମସ୍ତ ସନ୍ଦିଗ୍ଧ ପ୍ରମାଣପତ୍ରକୁ ବାତିଲ କରିବାକୁ ନିର୍ଦ୍ଦେଶ ଦେଇଛନ୍ତି ।
ଏହା ବ୍ୟତୀତ ଏହି ପ୍ରମାଣପତ୍ର ଦେଇଥିବା ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଜାରି କରାଯାଇଛି । ରାଜସ୍ବ ବିଭାଗ ସମସ୍ତ ତହସିଲଦାର, ଉପ-ବିଭାଗୀୟ ଅଧିକାରୀ, ଜିଲ୍ଲା କମିଶନର ଏବଂ ବିଭାଗୀୟ କମିଶନରଙ୍କୁ 16-ସୂତ୍ରୀ ଯାଞ୍ଚ ନିର୍ଦ୍ଦେଶାବଳୀ ଜାରି କରିଛି ।
