ସଂଚାର ବ୍ୟୁରୋ: ବୁଧବାର ବିଧାନସଭାରୁ ଆସିଲା ବଡ଼ ଖବର । ଏଣିକି ବିଧାନସଭାରେ ମୋବାଇଲ ମନା । ପାଣି ବୋତଲ ଉପରେ ମଧ୍ୟ କଟକଣା ଲଗାଇଛନ୍ତି ବାଚସ୍ପତି ସୁରମା ପାଢ଼ୀ ।ବିଧାନସଭା ଭିତରକୁ ମୋବାଇଲ ଓ ପାଣି ବୋତଲ ନେବାକୁ ମନା କରାଯାଇଛି । ବାଚସ୍ପତି ସୁରମା ପାଢ଼ୀ ଏନେଇ କଟକଣା ଜାରି ରଖିଛି । କିଛି ବିଧାୟକ ମୋବାଇଲରେ ଫଟୋ ଉଠାଉଥିବା ଓ ମୋବାଇଲରେ କଥା ହେଉଥିବା ଦେଖିବାକୁ ମିଳିଛି ।
ଏନେଇ ବାଚସ୍ପତି ବିଧାନସଭାକୁ ମୋବାଇଲ ନେବା ଉପରେ କଟକଣା ଜାରି କରିଛନ୍ତି । ପ୍ରକାଶ ଯେ ଚଳିତ ନିର୍ବାଚନରେ ବହୁ ନବନିର୍ବାଚିତ ବିଧାୟକ ଓ ବିଧାୟିକା ନିର୍ବାଚିତ ହୋଇ ବିଧାନସଭାକୁ ଆସିଛନ୍ତି । ତେବେ କିଛି ବିଧାୟକ ଓ ବିଧାୟିକା ମୋବାଇଲରେ ବିଧାନସଭା ଭିତରେ ଫଟୋ ଉଠାଉଥିବା ଦେଖିବାକୁ ମିଳିଛି । ଏପରିକି ବିଧାନସଭା ଭିତରେ ମୋବାଇଲରେ କଥା ମଧ୍ୟ ହେଉଛନ୍ତି । ଯାହାକୁ ନେଇ ବାଚସ୍ପତି ବିଧାନସଭା ଭିତରକୁ ମୋବାଇଲ ନଆଣିବା ଭଳି ପଦକ୍ଷେପ ଗ୍ରହଣ କରିଛନ୍ତି ।
