ଆଜି ପୁଣି ମଧ୍ୟପ୍ରାଚ୍ୟକୁ ଉଡାଣ ଆରମ୍ଭ । ସ୍ଥିତିରେ ସୁଧାର ଆସିବା ପରେ ଏୟାର ଇଣ୍ଡିଆ ପକ୍ଷରୁ ନୂଆ ଘୋଷଣା ହୋଇଛି । ଇରାନ୍-ଇସ୍ରାଏଲ୍-ଆମେରିକା ଯୁଦ୍ଧ ସ୍ଥିତିକୁ ନେଇ ମଧ୍ୟପ୍ରାଚ୍ୟକୁ ସମସ୍ତ ଏୟାର ଇଣ୍ଡିଆ ବିମାନ ଉଡ଼ାଣ ବନ୍ଦ ହୋଇଥିଲା । ଇରାନର ପରମାଣୁ କେନ୍ଦ୍ର ଓ ଏୟାର ବେସ ଉପରେ ଇସ୍ରାଏଲ ଓ ଆମେରିକାର ଆକ୍ରମଣ ପରେ ପ୍ରଭାବିତ ହୋଇଥିଲା ଆନ୍ତର୍ଜାତିକ ବିମାନ ଉଡାଣ । ଇରାନୀ ସେନା କତାରରେ ଥିବା ଆମେରିକୀୟ ବାୟୁସେନା ଘାଟି ଉପରେ କ୍ଷେପଣାସ୍ତ୍ର ଆକ୍ରମଣ କରିବା ପରେ ଏୟାର ଇଣ୍ଡିଆ ପକ୍ଷରୁ ମଧ୍ୟପ୍ରାଚ୍ୟକୁ ସମସ୍ତ ବିମାନ ଉଡାଣ ଅନିର୍ଦ୍ଦିଷ୍ଟ ସମୟ ପାଇଁ ବନ୍ଦ କରିଥିଲା ।
ଯୁଦ୍ଧ ସ୍ଥିତିକୁ ନେଇ କତାର ଓ ଉପସାଗରୀୟ ଅଞ୍ଚଳର କିଛି ଅଂଶରେ ଆକାଶ ମାର୍ଗ ବନ୍ଦ ହେବା ଯୋଗୁ ଅନେକ ଭାରତୀୟ ବିମାନ କମ୍ପାନି ବିମାନ ଚଳାଚଳକୁ ଅନ୍ୟତ୍ର ସ୍ଥାନାନ୍ତର କରିବାକୁ ବାଧ୍ୟ ହୋଇଥିଲେ । ଆଜିଠୁ ମିଡିଲ ଇଷ୍ଟ ଓ ୟୁରୋପକୁ ସ୍ବାଭାବିକ ହେବ ଉଡାଣ ।
