ଇରାନ୍ ଉପରେ ଆମେରିକାର ହମଲା । ଇରାନ-ଇସ୍ରାଏଲ ଯୁଦ୍ଧରେ ଏଣ୍ଟ୍ରି କଲା ଆମେରିକା । ଇରାନର ତିନିଟି ପରମାଣୁ କେନ୍ଦ୍ରରେ ଆମେରିକାର ବୋମା ମାଡ଼ । ଫରଦୋ, ନାଟାଞ୍ଜ ଓ ଇଶଫାନ ନ୍ୟୁକ୍ଲିଅର ସାଇଟରେ ବୋମା ମାଡ଼ କରିଛି ଆମେରିକା ସେନା । ଇରନକୁ ପରମାଣୁ ଶକ୍ତିହୀନ କରିବାକୁ ଆମେରିକାର ଏହି ଏୟାର ଷ୍ଟ୍ରାଇକ୍ ।
ଏଥିରେ ବଙ୍କର ବୁଷ୍ଟର ବୋମା ବ୍ୟବହାର କରିଛି ଆମେରିକା ସେନା । ଷ୍ଟିଲଥ ବମ୍ବରରୁ ବୋମା ବର୍ଷା ହୋଥିଲା । ଏ ନେଇ ସୋସିଆଲ ମିଡିଆରେ ସୂଚନା ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ସଫଳତାର ସହ ବୋମା ମାଡ଼ କରିବା ପରେ ଅମେରିକୀୟ ଯୁଦ୍ଧ ବିମାନ ଫେରୁଛନ୍ତି ବୋଲି ଟ୍ରମ୍ପ କହିଛନ୍ତ । ଏଥିପାଇଁ ଆମେରିକା ସେନାକୁ ବଧାଇ ଜଣାଇଛନ୍ତି ।
ବିଶ୍ୱର ଅନ୍ୟ କୌଣସି ସେନା ଏଭଳି କରି ପାରିବ ନାହିଁ । ଏବେ ଶାନ୍ତିର ସମୟ ବୋଲି କହିଛନ୍ତି ଟ୍ରମ୍ପ । ଇରାନ ତାର ପରମାଣୁ କାର୍ଯ୍ୟକ୍ରମରୁ ବିରତ ନହେଲେ ଆମେରିକା ଆକ୍ରମଣ କରିବ ବୋଲି ନିକଟରେ ଟ୍ରମ୍ପ ଚେତାବନୀ ଦେଇଥିଲେ । ଆମେରିକାର ଇରାନ ଆକ୍ରମଣ ନେଇ ଆଜି ଦେଶକୁ ସମ୍ବୋଧନ କରିବେ ଟ୍ରମ୍ପ ।
