ସଂଚାର ବ୍ୟୁରୋ: ଖୋର୍ଦ୍ଧାରୁ୨୫ଲକ୍ଷ ଟଙ୍କାର ବ୍ରାଉନସୁଗାର୍ ଜବତ । ଜଙ୍କିଆ ଥାନା ଛଣଗିରି ଅଞ୍ଚଳରୁ ୨ଶହ ୫୮ ଗ୍ରାମର ବ୍ରାଉନସୁଗାର ଜବତ କରିଛି ପୋଲିସ୍ । ଘଟଣାରେ ସଂପୃକ୍ତ ଦୁଇଜଣ ବ୍ୟବସାୟୀଙ୍କ ସମେତ ଗୋଟିଏ ବୁଲେଟ ଜବତ କରିଛି ପୋଲିସ । ଜବତ ବ୍ରାଉନସୁଗାର ଆନୁମାନିକ ମୂଲ୍ୟ ପ୍ରାୟ ପଚିଶ ଲକ୍ଷ ଟଙ୍କା ହେବ । ଗିରଫ ବ୍ରାଉନସୁଗାର ବ୍ୟବସାୟୀ ରାକେଶ ପଟ୍ଟନାୟକ ଓରଫ ହାପି ଏବଂ ସୂର୍ଯ୍ୟକାନ୍ତ ନାୟକ ଓରଫ୍ ଗୁଡୁଙ୍କ ଘର ଖୋର୍ଦ୍ଧା ଟାଉନ ଥାନା ଅନ୍ତର୍ଗତ ଭାଲିଆବାଡ଼ି । ପୂର୍ବରୁ ଉଭୟଙ୍କ ନାମରେ ବିଭିନ୍ନ ଥାନାରେ ଅନେକ ଅପରାଧିକ ମାମଲା ରହିଛି । ତେବେ ଏହି ବ୍ରାଉନସୁଗାର ନେଟୱର୍କ କେଉଁଯାଏଁ ଲମ୍ବିଛି, ସେ ନେଇ ତଦନ୍ତ ଚାଲିଥିବା ସୂଚନା ଦେଇଛନ୍ତି ଏସପି ।
