ସୁନ୍ଦରଗଡ଼ କେ ବଲାଙ୍ଗ ବାଙ୍କୋ ଅଞ୍ଚଳରୁ ମାଓବାଦୀ ୫ଟନ ବିସ୍ଫୋରକ ଲୁଟି ନେବା ଘଟଣାରେ ପୁଣି ସୁରକ୍ଷା ବାହିନୀକୁ ମିଳିଛି ସଫଳତା । ସରଣ୍ଡା ଜଙ୍ଗଲରୁ ଆଉ ଅଢେଇ ଟନ ବିସ୍ଫୋରକ ଉଦ୍ଧାର କରିଛି ସୁରକ୍ଷା ବାହିନୀ । ଓଡ଼ିଶା–ଝାଡଖଣ୍ଡ ପୋଲିସର ସର୍ଚ୍ଚ ଅପରେସନ ବେଳେ ଏହି ବିସ୍ଫୋରକର ସନ୍ଧାନ ମିଳିଥିଲା । ଝାଡଖଣ୍ଡ ଜରଲିପୋଷି ଥାନା ତିର୍ଲିପୋଷି ଜଙ୍ଗଲରୁ ଏହି ଅଢେଇ ଟନ ବସ୍ଫୋରକ ମିଳିଥିବାବେଳେ ଏହି ସମାନ ସ୍ଥାନରୁ ଗତ ଶୁକ୍ରବାର ମିଳିଥିଲା ଏକ କ୍ବିଣ୍ଟାଲ ବିସ୍ଫୋରକ । ଗତ ମଙ୍ଗଳବାର ରାତିରେ କେ. ବଲାଙ୍ଗ ବାଙ୍କୋ ଅଞ୍ଚଳରୁ ହୋଇଥିଲା ଏହି ବିସ୍ଫୋରକ ଲୁଟ । ୪୦ ରୁ ଅଧିକ ମାଓବାଦୀ ଲୁଟିନେଇଥିଲେ ବାରୁଦ ଭର୍ତ୍ତି ଟ୍ରକ । ସେହିଦିନଠାରୁ ଏନଆଇଏ, ସିଆରପିଏଫ, ସାଇଣ୍ଟିଫିକ ଟିମ ବିସ୍ଫୋରକ ସନ୍ଧାନ କରୁଥିଲେ । ୬ ଦିନରୁ ଅଧିକ ଦିନ ଧରି ସର୍ଚ୍ଚ ଅପରେସନ ଜାରି ରଖିଥିଲେ । ଅନ୍ଯପଟେ ବାକି ବିସ୍ଫୋରକକୁ ଉଦ୍ଧାର କରିବା ପାଇଁ ସର୍ଚ୍ଚ ଅପରେସନ ଜାରି ରହିଛି । ଗତକାଲି ୧୨ଟି ଲ୍ୟାଣ୍ଡମାଇନ ଆଇଡି ଅଚଳ କରାଯାଇଥିଲା । ଅନ୍ଯପଟେ ୪ ଦିନ ଧରି ସରଣ୍ଡା ଜଙ୍ଗଲରେ ସୁରକ୍ଷା କର୍ମୀ-ମାଓବାଦୀ ଫାୟାରିଂ ଜାରି ରହିଛି ।
