ଲକ୍ଷ୍ମୀ ବସ ଧକ୍କାରେ ପୁଅ ମୃତ, ବାପା, ମା ଗୁରୁତର । ଖୋର୍ଦ୍ଧା ନିକଟସ୍ଥ ୫୭ ନମ୍ବର ଜାତୀୟ ରାଜପଥ ବରଶାହି ଛକ ଠାରେ ଦୁର୍ଘଟଣା । ବରସାହିର ଜଣେ ବ୍ୟକ୍ତି ନିଜ ପତ୍ନୀ ଏବଂ ଶିଶୁ ପୁତ୍ରକୁ ଧରି କେରଙ୍ଗ ଯାଉଥିବା ବେଳେ ଲକ୍ଷ୍ମୀ ବସ ବାଇକକୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ୩ବର୍ଷ ଶିଶୁର ମୃତ୍ୟୁ ଘଟିଥିବାବେଳେ ବାପା, ମା ଗୁରୁତର ହୋଇଛନ୍ତି । ସ୍ଥାନୀୟ ଲୋକେ ବାଇକ୍ ଆରୋହୀ ଏବଂ ତାଙ୍କ ପତ୍ନୀ ଙ୍କୁ ଖୋର୍ଦ୍ଧା ମେଡିକାଲରେ ଭର୍ତ୍ତି କରିଛନ୍ତି । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଚଳାଇଛି ।
