ମରିଗଲା ମାନବିକତା, ମୃତ ବ୍ୟକ୍ତିଙ୍କୁ ବି ଛାଡ଼ିଲେନି ସାଇବର ଠକ । ପହଲଗାମ ଆତଙ୍କବାଦୀ ଆକ୍ରମଣରେ ମୃତ୍ୟୁବରଣ କରିଥିବା ପ୍ରଶାନ୍ତ ଶତପଥୀଙ୍କ ନାମରେ ସୋସିଆଲ ମିଡିଆରେ ମଗାଯାଉଛି ଟଙ୍କା । ବିନା ପ୍ରଶାନ୍ତଙ୍କ ପରିବାରଙ୍କ ଅନୁମତିରେ ତାଙ୍କ ନାମରେ ଟଙ୍କା ଆଦାୟ ନେଇ ଅଭିଯୋଗ ଆଣିଛନ୍ତି ମୃତ ପ୍ରଶାନ୍ତଙ୍କ ପରିବାର । ଏନେଇ ପ୍ରଶାନ୍ତଙ୍କ ପରିବାର ପକ୍ଷରୁ ସାଇବର ଥାନାରେ ଅଭିଯୋଗ ହୋଇଛି ।
ମାମଲା ରୁଜ୍ଜୁ କରି ତଦନ୍ତ କରୁଛି ପୋଲିସ । ପ୍ରଶାନ୍ତଙ୍କ ପରିବାର ଟଙ୍କା ଆଦାୟକୁ ନାପସନ୍ଦ କରିବା ସହ ସେ ଏପରି କାହାକୁ କରିବାକୁ ଅନୁମତି ଦେଇନଥିବା କହିଛନ୍ତି । ଏହା ସହ କୌଣସି ସୋସିଆଲ ମିଡିଆରେ ଯଦି ଏପରି ଟଙ୍କା ଆଦାୟ କରାଯାଉଛି, ତେବେ ଏଥିରୁ ସମସ୍ତେ ନିବୃତ୍ତ ରୁହନ୍ତୁ ବୋଲି ନିବେଦନ କରିଛନ୍ତି ।
