ସଂଚାର ବ୍ୟୁରୋ: ପୋଲାଭରମରେ କ୍ଷତିଗ୍ରସ୍ତ ହେବାକୁ ଥିବା ମୋଟୁ ଅଞ୍ଚଳ ବୁଲି ଦେଖିଛି କଂଗ୍ରେସର ଏକ ଟିମ । ମୋଟୁ ବ୍ଲକର ସମ୍ଭାବ୍ଯ ପ୍ରଭାବିତ ଅଂଚଳ ଗସ୍ତ କରିଛନ୍ତି ବିଧାୟକ ଦଳ ନେତା ରାମଚନ୍ଦ୍ର କାଡାମଙ୍କ ସମେତ କୋରାପୁଟ ସାଂସଦ ସପ୍ତଗିରି ଉଲାକା ଓ ସ୍ଥାନୀୟ ୪ ବିଧାୟକ । ସେମାନେ ହେଲେ ଲକ୍ଷ୍ମୀପୁର, ରାୟଗଡା ,ବିଷମକଟକ ଓ ଗୁଣୁପୁର ବିଧାୟକ ।
ଆଜି ମୋଟୁରେ ପହଞ୍ଚି ଲୋକଙ୍କ ସହିତ ଆଲୋଚନା କରିଛନ୍ତି l ମୋଟୁ ତହସିଲର ମୁଗି ପଏଣ୍ଟ, ବିନାୟକପୁର, ଆଲମା, ବାରିବାନଞ୍ଛା, ପେଟା, ମୁରୁଲିଗୁଡା ଓ ରେଡିପାଲ ଗାଁରେ ପହଞ୍ଚି ଲୋକମାନଙ୍କ ସହ ଆଲୋଚନା କରିଛନ୍ତି । ସରଜମିନ ତଦନ୍ତ କରି ରାହୁଲ ଗାନ୍ଧୀଙ୍କୁ ରିପୋର୍ଟ ଦେବେ l ପୋଲାଭରମ ସମ୍ପୂର୍ଣ୍ଣ ହେଲେ ସୀମାନ୍ତ ମୋଟୁ, ଆଲମା, ବିନାୟକପୁର ଓ ପେଟା ସମ୍ପୂର୍ଣ୍ଣ ଜଳମଗ୍ନ ହୋଇଯିବ । ସେହିଭଳି ୧୩୦ ଖଣ୍ଡ ଗାଁ ସମ୍ପୂର୍ଣ୍ଣ ଜଳମଗ୍ନ ହୋଇଯିବ l ୨୦୧୪ ମସିହାରେ ପୂର୍ବ ଉପା ସରକାର ପୋଲାଭରମକୁ ଜାତୀୟ ପ୍ରକଳ୍ପ ମାନ୍ୟତା ପ୍ରଦାନ କରିଥିଲେ । ଯଦି ପୋଲାଭରମ ପ୍ରକଳ୍ପ ହୁଏ ତାହାହେଲେ ଆମକୁ କ୍ଷତି ପୂରଣ କିଏ ଦେବ ବୋଲି ସ୍ଥାନୀୟ ଲୋକେ ପ୍ରଶ୍ନ କରିଛନ୍ତି । ତେଣୁ ସ୍ଥିତି ଅନୁଧ୍ୟାନ ପରେ କଂଗ୍ରେସ ପରବର୍ତ୍ତୀ ପଦକ୍ଷେପ ନେବ ବୋଲି କହିଛନ୍ତି ସାଂସଦ ସପ୍ତଗିରି ଉଲ୍ଲାକା ।
