ରାଉରକେଲା ପୋଲିସ ହାତରେ ଅନ୍ତର୍ଜାତୀୟ ସାଇବର ଲୁଟେରା। ୯ ଅର୍ନ୍ତଜାତୀୟ ସାଇବର ଲୁଟେରା ଗିରଫ । ସେମାନଙ୍କ ନିକଟରୁ ଲ୍ୟାପଟପ , ମୋବାଇଲ , ସିମ , ଡେବିଟ କାର୍ଡ , ଟଙ୍କା ଗଣତି ମେସିନ ଜବତ । ଏଥି ସହ ଫ୍ରିଜ କରାଯାଇଛି କୋଟିଏ ୪୧ ଲକ୍ଷ । ଗିରଫ ୯ ଜଣ ମଧ୍ୟରୁ ୮ଜଣଙ୍କ ଘର ଛତିଶଗଡ଼ରେ ହୋଇଥିବା ବେଳେ ଜଣେ ଉତ୍ତରାଖଣ୍ଡ ଅଞ୍ଚଳର।
ରାଉରକେଲା ସହରର ସିଭିଲ ଟାଉନସିପରେ ଏକ ଭଢ଼ା ଘରେ ରହି ସେଠାରୁ ନେଟଓ୍ବାର୍କ ଚଲାଉଥିଲେ ଏହି ସାଇବର ଲୁଟେରା । ଖବର ପାଇ ରାଉରକେଲା ପୋଲିସ ଚଢାଉ କରି ଏହି ସାଇବର ଲୁଟେରାଙ୍କୁ ଧରିଥିଲା। ସେମାନଙ୍କ ଠାରୁ ୫ଟି ଲ୍ୟାପଟପ , ୩୧ ଟି ସ୍ୱାର୍ଟ ଫୋନ , ବିଭିନ୍ନ କଂପାନୀର ୬୮ ସିମକାର୍ଡ଼ , ୨୦ଟି ଅଧାର, ପ୍ୟାନ କାଡ଼ , ବ୍ୟାଙ୍କ ପାଶ ବୁକ୍ ସହ ଚେକ ବୁକ୍ , ୪ଟି ବିଭିନ୍ନ ବ୍ୟାଙ୍କର ୧୯ ଗୋଟି ଡେବିଟ କାର୍ଡ଼ , ଟଙ୍କା ଗଣତି ମେସିନ , ଗୋଟିଏ କାର ,ଗୋଟିଏ ସ୍କୁଟି ପୋଲିସ ଜବତ କରିଛି। ଏଥି ସହ ବିଭିନ୍ନ ବ୍ୟାଙ୍କରେ ଥିବା ୧୭୬ ଆକାଉଣ୍ଟ ପୋଲିସ ଫ୍ରିଜ କରିଛି। ଯେଉଁଥିରେ ଅଛି କୋଟିଏ ୪୧ଲକ୍ଷ ଟଙ୍କା । ସାଇବର ଲୁଟେରାର ମାଷ୍ଟର ମାଇଁଣ୍ଡ ୟୁଏଇରେ ରହି ନେଟଓ୍ବାର୍କ ଚଲାଉଥିଲା ବିଭିନ୍ନ ବେଆଇନ ଆପ ମାଧ୍ୟମରେ କୋଟି କୋଟି ଲୁଟ କରିଛନ୍ତି ବୋଲି ରାଉରକେଲା ଏସପି କହିଛନ୍ତି।
