ପୂର୍ବତନ କେନ୍ଦ୍ରମନ୍ତ୍ରୀ ଡାକ୍ତର ଦେବେନ୍ଦ୍ର ପ୍ରଧାନଙ୍କ ସ୍ମୃତି ସମ୍ବଳିତ ସ୍ମରଣୀକା “ସିଦ୍ଧ ପୁରୁଷ” “ଉନ୍ମୋଚନ ହୋଇଛି । ଏଥିରେ ରାଜ୍ୟପାଳ ଡ଼ଃ ହରିବାବୁ କମ୍ଭମପତି ମୁଖ୍ୟ ଅତିଥି ଭାବେ ଯୋଗ ଦେଇଥିଲା ବେଳେ ସମ୍ମାନୀୟ ଅତିଥିଭାବେ ପୂର୍ବତନ ରାଜ୍ୟପାଳ ବିଶ୍ଵ ଭୁଷଣ ହରିଚନ୍ଦନ, ସମ୍ବାଦ୍ଵଗ୍ରୁପର ଅଧ୍ୟକ୍ଷ ସୌମ୍ୟ ରଞ୍ଜନ ପଟନାୟକ ଓ ରଙ୍ଗବତୀ ସଙ୍ଗୀତର ଲେଖକ ପଦ୍ମଶ୍ରୀ ମିତ୍ରଭାନୁ ଗର୍ତ୍ତିଆ ଯୋଗ ଦେଇଥିଲେ । ଏହି କାର୍ଯ୍ୟକ୍ରମ ଯୋଗ ଦେଇ ରାଜ୍ୟପାଳ କହିଛନ୍ତି, ସିଦ୍ଧ ପୁରୁଷ” ଦେବେନ୍ଦ୍ର ପ୍ରଧାନଙ୍କ ପାଇଁ ଉଚିତ ଶ୍ରଦ୍ଧାଞ୍ଜଳି । ସେ ସବୁବେଳେ ଲୋକଙ୍କ ପାଇଁ ସମର୍ପିତ ରହିଥିଲେ। ସେ ଡାକ୍ତର ଭାବରେ ମଧ୍ୟ ଲୋକଙ୍କ ସେବା କରିଛନ୍ତି । ଏମିତି କି ସେ କେନ୍ଦ୍ରମନ୍ତ୍ରୀ ଥିବାବେଳେ ଅନେକ ଉନ୍ନତି ମୂଳକ କାର୍ଯ୍ୟ କରିଛନ୍ତି । ବିଶେଷ ଭାବରେ ଗମନାଗମନ ଓ କୃଷି କ୍ଷେତ୍ରରେ ଅନେକ କାମ କରିଛନ୍ତି ।
