ସଂଚାର ବ୍ୟୁରୋ: ପୁଣି ଭିଜିଲାନ୍ସ ଜାଲରେ ବଡବାବୁ I ଲାଞ୍ଚ ନେଇ ଧରାପଡ଼ିଲେ ଜିଓଲୋଜିଷ୍ଟ I ବିଲ କରାଇବା ପାଇଁ ୪୦ ହଜାର ଟଙ୍କା ଲାଞ୍ଚ ନେଇ ଧରାପଡ଼ିଲେ ବଲାଙ୍ଗୀର ଭୁତଳ ଜଳ ଉନ୍ନୟନ ଖଣ୍ଡର ଜିଓଲୋଜିଷ୍ଟ ଅସିମ ଅଂଶୁମାନ ନାୟକ I ୪୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ମାଡି ବସିଲା ଭିଜିଲାନ୍ସ ଟିମ I ସମ୍ବଲପୁରର ତପନ ମହାନ୍ତି ନାମକ ଜଣେ ଠିକାଦାରଙ୍କ ଠାରୁ ଜଳ ସଂରକ୍ଷଣ ପ୍ରକଳ୍ପର ବିଲ କରାଇବା ପାଇଁ ୪୦ ହଜାର ଟଙ୍କା ଲାଞ୍ଚ ନେଉଥିଲେ ଜିଓଲୋଜିଷ୍ଟ I ବିଲ କରି ଦେବା ପାଇଁ ତପନ ବାରମ୍ବାର ଅଫିସକୁ ଦୌଡୁଥିଲେ। କିନ୍ତୁ ଲାଞ୍ଚ ଦେଉନଥିବାରୁ ବିଲ ହେଉନଥିଲା I ଏନେଇ ଭିଜିଲାନ୍ସ ବିଭାଗର ଦ୍ୱାରସ୍ଥ ହୋଇଥିଲେ ତପନ I ଭିଜିଲାନ୍ସର ଯୋଜନା ମୁତାବକ ଆଜି ଅଫିସରେ ୪୦ ହଜାର ଟଙ୍କା ଲାଞ୍ଚ ନେଉଥିବା ସମୟରେ ମାଡି ବସିଥିଲା ଭିଜିଲାନ୍ସ ବିଭାଗ I ବଲାଙ୍ଗୀର, ବରଗଡ଼, ସମ୍ବଲପୁର ଭିଜିଲାନ୍ସ ଟିମ ମିଳିତ ଭାବରେ ଚଢ଼ଉ କରିଥିଲେ I ବଲାଙ୍ଗୀର ଅଫିସ, ସୂର୍ଯ୍ୟନଗର ଭଡା ଘର ଏବଂ ସମ୍ବଲପୁର ଘରେ ଚଢ଼ଉ ଜାରୀ ରହିଛି I ବଲାଙ୍ଗୀର ଭଡା ଘରୁ ୧ ଲକ୍ଷ ୬୮ ହଜାର ଟଙ୍କା ଜବତ କରିଛି ଭିଜିଲାନ୍ସ ବିଭାଗ I
