ନିଜ ଦଳର ନେତାଙ୍କ ଉପରେ ବର୍ଷିଲେ ରାହୁଲ ଗାନ୍ଧି। କିଛି ନେତା ବିଜେପି ସହିତ ହାତ ମିଳାଇ ବିଜେପିର B ଟିମ୍ ଭଳି କାମ କରୁଥିବାର କହିଛନ୍ତି ରାହୁଲ। ସେପରି ନେତାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ ଚେତାବନୀ ଦେଇଛନ୍ତି। ଏଇ ବର୍ଷ ଶେଷ ଆଡ଼କୁ ହେବ ଗୁଜରାଟ ବିଧାନସଭା ନିର୍ବାଚନ। ଅକ୍ଟୋବର ନଭେମ୍ବରରେ ହୋଇପାରେ ଭୋଟ। ଏଥିପାଇଁ ସରଗରମ ହେଲାଣି ରାଜନୈତିକ ମାହୋଲ। ଉଭୟ ବିଜେପି ଓ କଂଗ୍ରେସର ଫୋକସ୍ ରେ ଗୁଜରାଟ । ତେଣୁ ଆଜି ଗୋଟିଏ ଦିନରେ ହିଁ ଦୁଇ ଦଳର ଦୁଇ ବଡ଼ ନେତା ଗୁଜରାଟ ଗସ୍ତରେ ଯାଇଛନ୍ତି। ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧି ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ଗୁଜରାଟ ଗସ୍ତରେ ଯାଇଛନ୍ତି। ଅହମଦାବାଦରେ ଏକ ସମାବେଶରେ ରାହୁଲ ଗାନ୍ଧି ଦଳର କର୍ମୀଙ୍କୁ କହିଛନ୍ତି, ନିର୍ବାଚନ ଜିତିବା ପାଇଁ ପ୍ରଥମେ ଲୋକଙ୍କ ମନ ଜିତିବାକୁ ପଡ଼ିବ। ଲୋକଙ୍କ କାମ କଲେ ହିଁ ସେମାନଙ୍କ ମନ ଜିଣିହେବ। ତେଣୁ ପ୍ରଥମେ ଜନତାଙ୍କ ସେବା କରି ସେମାନଙ୍କ ହୃଦୟ ଜିତିବାକୁ ସେ ଦଳର କର୍ମୀଙ୍କୁ ଆହ୍ଵାନ ଦେଇଛନ୍ତି। ସେପଟେ ନଭସାରିରେ ଲକ୍ଷପତି ଦିଦିଙ୍କୁ ଭେଟିଛନ୍ତି ପ୍ରଧାନମନ୍ତ୍ରୀ ମୋଦି।
