UPI ପେମେଣ୍ଟ ନେଇ ବଡ଼ ଖବର। ଭିନ୍ନ ଭିନ୍ନ ଟ୍ରାଞ୍ଜାକସନ୍ ପାଇଁ ଦେବାକୁ ପଡିପାରେ ଶୁଳ୍କ । ଦିନ ଥିଲା ଲୋକ କିଛିବି କିଣିବା ପାଇଁ ପକେଟରେ ଟଙ୍କା ନେଇ ଯାଉଥିଲେ । ଏବେ ସମୟ ବଦଳିଛି, ଆଉ ସମୟ ବଦଳିବା ସହ ପେମେଣ୍ଟ ସିଷ୍ଟମ ବି ବଦଳିଛି । ଏବେ ଆଉ ଲୋକେ କ୍ୟାସ୍ ଦେଇ ଜିନିଷ କିଣୁ ନାହାନ୍ତି । ପାଖରେ ମୋବାଇଲ୍ ଅଛି ତ ପକେଟରେ ଟଙ୍କା ବି ଅଛି । ଦୋକାନ ହେଉ କି ସୋ’ରୁମ୍ ବା ଅନ୍ୟ କିଛି ଜିନିଷ କିଣ ମୋବାଇଲରୁ ହିଁ ପେମେଣ୍ଟ କରିହେଉଛି । ୟୁପିଆଇ ଦ୍ୱାରା ପେମେଣ୍ଟ ସହଜ ହୋଇଥିବାରୁ ଲୋକେ ଘରେ ବସି ବି ଅତି ସହଜରେ ସବୁ କିଛି କିଣି ପାରୁଛନ୍ତି ଏବଂ ବିଲ୍ ପେମେଣ୍ଟ କରିପାରୁଛନ୍ତି । ଯେପରିକି ଇଲେକ୍ରିକ୍ ବିଲ୍, ଗ୍ୟାସ୍ ବିଲ୍, ଡିଟିଏଚ୍ ରିଚାର୍ଜ, ଏଲଆଇସି ପେମେଣ୍ଟ୍ ଭଳି ପେମେଣ୍ଟ ଅତି ସହଜରେ ଲୋକେ ଘରେ ବସି କରିପାରୁଛନ୍ତି । ଆଉ ଏହି ସେବା ପାଇଁ କୌଣସି ଶୁଳ୍କ ବି ଦେବାକୁ ପଡୁନଥିଲା । କିନ୍ତୁ ଏଣିକି ଭିନ୍ନ ଭିନ୍ନ ପେମେଣ୍ଟ ପାଇଁ ଶୁଳ୍କ ଦେବାକୁ ପଡିପାରେ । ପ୍ରତିଦିନ ୬୦ରୁ ୮୦ ପ୍ରତିଶତ ନେଣଦେଣ ୟୁପିଆଇ ପେମେଣ୍ଟ ଦ୍ୱାରା ହେଉଛି । ପ୍ରତିଦିନ କୋଟି କୋଟି ଟଙ୍କା ଟ୍ରାଞ୍ଜାକସନ୍ ହେଉଛି । ଦେଶରେ ଅନେକ କମ୍ପାନୀ ୟୁପିଆଇ ସିଷ୍ଟମ ଆରମ୍ଭ କରିଛନ୍ତି, କିନ୍ତୁ ଫୋନ ପେ, ଗୁଗୁଲ ପେ ଏବଂ ପେଟିଏମ୍ ସବୁଠୁ ଅଧିକ ବ୍ୟବହାର ହେଉଛି । ଏହି ସବୁ କମ୍ପାନୀ ୟୁପିଆଇ ଟ୍ରାଞ୍ଜାକସନ୍ ପାଇଁ କୌଣସି ଶୁଳ୍କ ନେଉନଥିଲେ । କିନ୍ତୁ ଏଣିକି ଭିନ୍ନ ଭନ୍ନ ଟ୍ରାଞ୍ଜାକସନ୍ ପାଇଁ ଦେୟ ଦେବାକୁ ପଡିପାରେ । ପୂର୍ବରୁ ୟୁପିଆଇ ଦ୍ୱାରା ମୋବାଇଲ୍ ରିଚାର୍ଜ ପାଇଁ ଶୁଳ୍କ ଦେବାକୁ ପଡୁନଥିଲା । ଏବେ କିନ୍ତୁ ମୋବାଇଲ୍ ରିଚାର୍ଜ ପାଇଁ ଶୁଳ୍କ ଦେବାକୁ ପଡୁଛି । ସେହିପରେ ବର୍ତ୍ତମାନ ଭିନ୍ନ ଭିନ୍ନ ପେମେଣ୍ଟ ଉପରେ ଶୁଳ୍କ ଦେବାକୁ ପଡିବ ।
