ସଂଚାର ବ୍ୟୁରୋ: ୨୦୨୫-୨୬ ଲାଗି ଆସିଲା ରାଜ୍ଯ ବଜେଟ। ମୁଖ୍ଯମନ୍ତ୍ରୀ ତଥା ଅର୍ଥମନ୍ତ୍ରୀ ମୋହନ ଚରଣ ମାଝୀ ଆଗତ କରିଛନ୍ତି ବଜେଟ। ଚଳିତ ଆର୍ଥିକ ବର୍ଷ ବଜେଟର ଆକାର ରହିଛି ୨ ଲକ୍ଷ ୯୦ ହଜାର କୋଟି ଟଙ୍କା। ଚଳିତ ବଜେଟରେ ଋଣ ଭାର ପରିମାଣ ରହିଛି ୧ ଲକ୍ଷ ୩୪ ହଜାର ୯୧୪ କୋଟି। କାର୍ଯ୍ୟକ୍ରମ ବ୍ୟୟ ପରିମାଣ ରହିଛି ୧ ଲକ୍ଷ ୭୦ ହଜାର କୋଟି। ପୁଞ୍ଜି ବିନିଯୋଗ ପରିମାଣ ରହିଛି ୬୫ ହଜାର ୧୨ କୋଟି ଟଙ୍କା। ବଜେଟରେ ସାମାଜିକ କ୍ଷେତ୍ର ଲାଗି ବ୍ୟୟ ପରିମାଣ ରହିଛି ୧ ଲକ୍ଷ ୧୯ ହଜାର ୫୬୫ କୋଟି ଟଙ୍କା। ଉନ୍ନୟନମୂଳକ ବ୍ଯୟ ଲାଗି ରହିଛଇ ୨ ଲକ୍ଷ ୧୧ ହଜାର ୨୧୨ କୋଟି ଟଙ୍କା। ରାଜସ୍ବ ବଳକା ପରିମାଣ ରହିଛି ୩୧ ହଜାର ୮୦୦ କୋଟି। ବିତ୍ତୀୟ ନିଅଣ୍ଟ ପରିମାଣ ରହିଛି ୩୪ ହଜାର ୨୦୦ କୋଟି। ବଜେଟରେ ମହିଳା ଓ ଶିଶୁ ବିକାଶ ବିଭାଗ ପାଇଁ ୧୫ହଜାର ୨୨୨ କୋଟି ଟଙ୍କା ବ୍ୟୟବରାଦ ରହିଛି। ସ୍କୁଲ ଓ ଗଣଶିକ୍ଷା ଲାଗି ୩୧ ହଜାର ୧୮୫ କୋଟି, ସ୍ବାସ୍ଥ୍ୟ ଓ ପରିବାର କଲ୍ଯାଣ ଲାଗି ୨୨ ହଜାର ୭୪୧ କୋଟି, ଗୃହ ନିର୍ମାଣ ଓ ନଗର ଉନ୍ନୟନ ବିଭାଗ ପାଇଁ ୯ ହଜାର ୯୭୩ କୋଟି ଟଙ୍କାର ବ୍ୟୟବରାଦ ରହିଛି। ପଞ୍ଚାୟତିରାଜ ଓ ପାନୀୟ ଜଳ ଲାଗି ୨୮ ହଜାର ୪୫୧ କୋଟି, ଶିଳ୍ପ ଲାଗି ୮୦୮ କୋଟି, ଜଳସମ୍ପଦ ଲାଗି ୧୪ ହଜାର ୮୯୮ କୋଟି ଟଙ୍କାର ବ୍ୟୟ ବରାଦ କରାଯାଇଛି।
