ସଂଚାର ବ୍ୟୁରୋ: ଦିନ ଦ୍ୱିପ୍ରହରେ ଲକ୍ଷାଧିକ ଟଙ୍କା ଲୁଟ । ପଞ୍ଚାୟତ ପିଇଓଙ୍କ ଠାରୁ ଦୁର୍ବୃତ୍ତ ଲୁଟିନେଲେ ୮ ଲକ୍ଷରୁ ଅଧିକ ଟଙ୍କା । ବାର୍ଦ୍ଧକ୍ୟ ଭତ୍ତା ବାଣ୍ଟିବା ପାଇଁ ଯାଉଥିବା ବେଳେ ଛୁରି ଦେଖାଇ ବ୍ୟାଗ ନେଇଯାଇଛନ୍ତି ଲୁଟେରା । ଜୟପୁର ବୋରିଗୁମ୍ମା ବ୍ଲକ ବିସିଂହପୁର ଥାନା ଅଞ୍ଚଳରେ ଘଟିଛି ଏହି ଘଟଣା । ବୋଡ଼ିଗାଁ ପଞ୍ଚାୟତର ପିଇଓ ଅର୍ଜୁନ ପାତ୍ରଙ୍କୁ ଛୁରୀ ଦେଖାଇ ୮ଲକ୍ଷ ୫୯ ହଜାର ୩୦୦ ଟଙ୍କା ଲୁଟି ନେଇଛନ୍ତି ୬ ଜଣ ଦୁର୍ବୃତ୍ତ । ପିଇଓ ଜଣକ ଆଜି ବ୍ଲକ କାର୍ଯ୍ୟାଳୟରୁ ଟଙ୍କା ଧରି ବାର୍ଦ୍ଧକ୍ୟ ଭତ୍ତା ବାଣ୍ଟିବା ପାଇଁ ପଞ୍ଚାୟତ କାର୍ଯ୍ୟାଳୟକୁ ଯାଉଥିଲେ । ୬ ଜଣ ଦୃର୍ବୁତ୍ତ ୩ଟି ବାଇକରେ ପିଛା କରି ରତାଳି ରାସ୍ତା ମଝିରେ ପିଇଓଙ୍କ ଠାରୁ ଟଙ୍କା ଲୁଟି ନେଇଛନ୍ତି । ଖବର ପାଇ ବୋଡ଼ିଗାଁ ସରପଞ୍ଚ କରୁଣା ବଡନାୟକ ,ସ୍ଥାନୀୟ ଲୋକ ପହଞ୍ଚି ପିଇଓଙ୍କ ବାଇକ ଏବଂ ଫୋନ୍ ଉଦ୍ଧାର କରି ପୋଲିସ ଏବଂ ବୋରିଗୁମ୍ମା ବିଡ଼ିଓଙ୍କୁ ଖବର ଦେଇଥିଲେ । ସେପଟେ ଘଟଣାସ୍ଥଳରେ ବି-ସିଂହପୁର ପୋଲିସ ପହଞ୍ଚି ଘଟଣାର ଛାନ ଭିନ ଆରମ୍ଭ କରିଛି ।
We bring you the best Premium WordPress Themes that perfect for news, magazine, personal blog, etc.