ସିଡନୀ ଟେଷ୍ଟରେ ଅଷ୍ଟ୍ରେଲିଆର ଦମଦାର ବିଜୟ । ମଉଳିଲା ଭାରତର WTC ଫାଇନାଲରେ ପହଞ୍ଚିବାର ଆଶା । ପଞ୍ଚମ ଟେଷ୍ଟରେ ୧୬୨ ରନର ଟାର୍ଗେଟକୁ ପିଛା କରୁଥିବା ଟିମ ଅଷ୍ଟ୍ରେଲିଆ ୪ ୱିକେଟ ହରାଇ ବାଜି ମାରିଛି । ଏଥିସହ ବର୍ଡର-ଗାଭାସ୍କର ଟ୍ରଫିକୁ ୩-୧ରେ କବଜା କରିଛି । ଭାରତ ପକ୍ଷରୁ ପ୍ରସିଦ୍ଧ କ୍ରିଷ୍ଣା ୩ଟି ୱିକେଟ ନେଇଥିଲେ । ତେବେ ବୁମରାଙ୍କ ଅନୁପସ୍ଥିତି ଟିମ ଇଣ୍ଡିଆ ପାଇଁ ମହଙ୍ଗା ପଡିଛି। ଏହି ପରାଜୟ ସହ WTC ଫାଇନାଲରେ ଭାରତର ପହଞ୍ଚିବାର ଆଶା ମଉଳିଛି । ଯଶପ୍ରୀତ ବୁମରା ସିରିଜର ଶ୍ରେଷ୍ଠ ଖେଳାଳି ବିବେଚିତ ହୋଇଛନ୍ତି ।
ଆଜି ତୃତୀୟ ଦିନରେ ଦ୍ବିତୀୟ ଇନିଂସରେ ୧୫୭ରନରେ ଅଲଆଉଟ ହୋଇଥିଲା ଭ୍ରମଣକାରୀ ଟିମ । ସ୍କଟ ବୋଲାଣ୍ଡ ୬ ୱିକେଟ ନେଇତିଲେ । ଭାରତ ପ୍ରଥମ ଇନିଂସରେ ୧୮୫ ରନ୍ କରି ଅଲଆଉଟ୍ ହୋଇଥିବା ବେଳେ ଅଷ୍ଟ୍ରେଲିଆ ପ୍ରଥମ ପାଳିରେ ୧୮୧ ରନ୍ କରି ସମସ୍ତ ୱିକେଟ ହରାଇଥିଲା ।
