ସଂଚାର ବ୍ୟୁରୋ: ମେଡିକାଲରେ ବିଜେପି ସାଂସଦ ପ୍ରତାପ ଷଢ଼ଙ୍ଗୀଙ୍କୁ ଭେଟିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଆଶୁ ଆରୋଗ୍ୟ କାମନା କରିବା ସହ ଏଭଳି ଘଟଣା ପାଇଁ କଂଗ୍ରେସ ଉପରେ ବର୍ଷିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସଂସଦ ଭବନ କାହାର ବ୍ୟକ୍ତିଗତ ଜାଗିର ନୁହେଁ । ରାହୁଲଙ୍କ ଅହଙ୍କାର ଓ ତାଙ୍କ ସାମନ୍ତବାଦୀ ମନୋଭାବ ଯୋଗୁଁ ନିର୍ବାଚିତ ସାଂସଦଙ୍କ ଜୀବନ ବିପଦରେ । ତାଙ୍କ ଏଭଳି ବ୍ୟବହାର ଗ୍ରହଣୀୟ ନୁହେଁ। ଯେତେ ନିନ୍ଦା କଲେ ମଧ୍ୟ ଏହା କମ ହେବ ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ ।
ସଂସଦରେ ବାଲେଶ୍ବର ସାଂସଦ ପ୍ରତାପ ଷଡ଼ଙ୍ଗୀ ଆହତ ହୋଇଛନ୍ତି । ଗୃହରେ ଥିବା ଶିଡିରୁ ପଡ଼ିଗଲେ ପ୍ରତାପ ନନା । ସଂସଦରେ ଠେଲାପେଲା ବେଳେ ଜଣେ ସାଂସଦ ପ୍ରତାପ ଷଡ଼ଙ୍ଗୀଙ୍କ ଉପରେ ପଡ଼ି ଯାଇଥିଲେ । ସେ ସାଂସଦଙ୍କୁ କୁଆଡେ ବିରୋଧୀ ଦଳ ନେତା ରାହୁଲ ଗାନ୍ଧୀ ଠେଲି ଦେଲେ ବୋଲି ଅଭିଯୋଗ କରିଛନ୍ତି ପ୍ରତାପ । ରାହୁଲ ଗାନ୍ଧୀ ଠେଲି ଦେବାରୁ ସାଂସଦ ଜଣକ ତାଙ୍କ ଉପରେ ପଡିଗଲେ ବୋଲି ପ୍ରତାପ ଷଡଙ୍ଗୀ କହିଛନ୍ତି ।
